«Egemen Qazaqstan» árqashan ult múddesin bıik qoıǵan, qoǵamnyń ózekti máselelerin qozǵap, memlekettik saıasatty halyqqa durys jetkizýde úlken ról atqaryp keledi. Basylym betinen Alash arystarynyń da, Táýelsizdik tusyndaǵy uly tulǵalardyń da tereń oıly maqalalary oryn alǵan.
Gazet tek jańalyq taratýshy ǵana emes, qoǵamnyń tamyryn dóp basyp, oı qozǵaýshy, baǵyt berýshi qural bola bildi. Saıasat, ekonomıka, mádenıet, bilim berý, til máselesi – qaı taqyryp bolmasyn, «Egemen Qazaqstan» árdaıym salmaqty saraptamalar jasap, oqyrman nazaryna usynyp otyr.
