Foto: Erlan Omar
Bazalyq zeınetaqy tóleýge – 337,6 mlrd teńge, yntymaqty zeınetaqy tóleýge – 706,7 mlrd teńge jumsalǵan.
Mınıstrliktiń málimetinshe, 2025 jylǵy 1 sáýirdegi jaǵdaı boıynsha zeınetkerler sany – 2 mln 465 myń adamdy quraǵan.
«2025 jylǵy 1 sáýirdegi jaǵdaı boıynsha jıyntyq zeınetaqynyń ortasha mólsheri 143 622 teńgeni qurady, onyń ishinde yntymaqty zeınetaqy mólsheri – 95 963 teńge, bazalyq zeınetaqy – 47 659 teńge boldy», delingen habarlamada.
Budan buryn habarlanǵandaı, bıyl 1 qańtarda bazalyq zeınetaqy tóleminiń mólsheri QR Ulttyq Banki aıqyndaıtyn ınflıasııanyń boljamdy deńgeıine sáıkes 6,5%-ǵa, yntymaqty zeınetaqy 8,5%-ǵa, ıaǵnı ınflıasııa deńgeıinen 2% - ǵa oza otyryp ulǵaıtylǵan.
Esterińizge sala keteıik, 2018 jylǵy 1 shildeden bastap memlekettik bazalyq zeınetaqy tólemi zeınetaqy júıesindegi ótilin eskere otyryp, ár alýshyǵa jeke taǵaıyndalady.
