«Qazaqstan halyqaralyq resýrstarmen baılanys ornatý boıynsha belsendi jumys júrgizip otyr. Máselen, ótken jyldyń tamyz aıynda biz Astana qalasynda Ortalyq Azııa boıynsha «Euronews»-tiń ókildigin ashý týraly kelisimge qol qoıdyq. «Euronews» komandasy bizdiń halyqtardyń óneri, mádenıeti men ómir salty týraly «Modern nomads» teleshoýyn, «Ortalyq Azııadan shyqqan daýystar» taqyryptyq serııasyn – óńirdiń belgili qaıratkerlerimen suhbattardy, iri óńirlik is-sharalardy qamtıtyn «Fokýs» reportajdarynyń birqataryn kórsetýge kiristi», dedi A. Balaeva.
Sonymen qatar ol mınıstrliktiń Ortalyq Azııa elderimen tarıhı jáne mádenı muramyzdy, saýda-ekonomıkalyq jáne týrıstik áleýetimizdi kórsetýge baǵyttalǵan birlesken medıajobalardy jasaý boıynsha halyqaralyq áriptesterdi tartý jumysyn júrgizýge nıetti ekenin jetkizdi.
