Oblystyq aqparattandyrý, memlekettik qyzmetter kórsetý jáne arhıvter basqarmasynyń basshysy Azamat Kashıevtiń aıtýynsha, memlekettik qyzmet kórsetýdiń elektrondy formaty ákimshilik kedergilerdi azaıtyp, azamattardyń ýaqytyn únemdeıdi.
«Elektrondyq úkimet portaly arqyly qyzmetter ómirlik jaǵdaılar boıynsha toptastyrylǵan. Mysaly: «Rásimdelý», «Bala týý», «Jumysqa turý», «Bıznes ashý» sııaqty sanattarmen kórsetiledi. Bul azamattar úshin qyzmetti izdeýdi aıtarlyqtaı jeńildetedi», deıdi basqarma basshysy.
2024 jyly oblys ákimdigi men Memlekettik qyzmet isteri agenttiginiń Qostanaı oblysy boıynsha departamenti birlesip, ortalyq memlekettik organdarǵa 49 usynys joldaǵan. Onyń ishinde ózekti dep tanylǵan 14 másele respýblıkalyq komıssııanyń qaraýynda talqylanyp, 10 usynys ótken jyly iske asty. Atap aıtqanda, qyzmetter tizilimine erekshe qajettiligi bar azamattarǵa arnalǵan jańa memlekettik qyzmetter engizildi.
О́ńirde memlekettik qyzmetterdiń sapasy jyl saıyn áleýmettik zertteýler arqyly baǵalanyp otyrady. Sońǵy úsh jylda elektrondy qyzmetter úlesi 91%-ten 98,3%-ke deıin ósken. Ásirese densaýlyq saqtaý salasynda sıfrlandyrý qarqyndy júrgizilip jatyr. Buryn emhanada kezek kútý nemese anyqtama alý ýaqyt alsa, búginde osy qyzmetterdi «Damýmed» qosymshasy arqyly onlaın alý múmkindigi bar. Sonymen qatar, narkologııalyq jáne psıhıatrııalyq anyqtamalar da elektrondy túrde qoljetimdi.
