Búginde ındýstrıaldy aımaqta 4430 jumys orny ashylǵan. 2016-2024 jyldar aralyǵynda 142,1 mlrd teńgege 41 joba iske asyp, osy kezeńde óndirilgen ónimniń jalpy kólemi 2 524,4 mlrd teńgeni qurady. Aımaqqa qatysýshy kompanııalar 63,1 mlrd teńge somasyna salyq tóledi.
Almaty qalasynyń kásipkerlik jáne ınvestısııalar basqarmasy óńirlik kommýnıkasııalar qyzmetimen birlesip uıymdastyrǵan baspasóz týry barysynda Investorlardy súıemeldeý departamentiniń bas mamany Iаn Prokýdın «Indýstrıaldy aımaqtyń jalpy aýdany 490 gektardy quraıdy. Onyń 326 gektary jobalarǵa bólingen. Jalpy 382,1 gektar jer bólindi, onyń ishinde 85 gektar keńeıtýdiń ekinshi kezeńinde. Indýstrıaldy aımaq joǵary tehnologııalyq óndirister úshin tartylys ortalyǵyna aınalýda. Bul Almatynyń bolashaq ındýstrııalyq damýy men jańa jumys oryndaryn qurý úshin mańyzdy» dep atap ótti.
Jumys istep turǵan kásiporyndardyń arasynda avtomattandyrylǵan jáne robottandyrylǵan tehnologııalar engizilgen iri óndiristik alańdar bar. Jańǵyrtý esebinen 2025 jyly jumys oryndarynyń sany men oqshaýlaý deńgeıi ulǵaıdy, al jekelegen baǵyttar boıynsha óndiristik qýattar eki esege artty. Osyndaı kásiporyndardyń biriniń jalpy shtaty 1600 adamǵa jetti.
Byltyr ındýstrıaldy aımaqta 13,4 mlrd teńgeniń 11 jańa jobasy iske qosylyp nátıjesinde 977 jumys orny quryldy, onyń ishinde alty iri óndiris orny, sondaı-aq bes shaǵyn ónerkásiptik park bar.
Bıyl ındýstrıaldy aımaqta jalpy quny 135,5 mlrd teńgeni quraıtyn 11 jańa jobanyń iske qosylýy josparlanýda. Atalǵan jobalar aıasynda 2662 jańa jumys orny ashylady. Iаn Prokýdınniń aıtýynsha, bıyl alty iri óndiris ornynyń iske qosylady. Jobalarǵa salynatyn ınvestısııa kólemi 133 mlrd teńge, al jumys oryndarynyń sany 2 myńnan asady.
Mańyzdy jobalardyń biri – qoldanystaǵy ónerkásip oryndarynyń janynan qurylyp jatqan avtomobıl komponentteri tehnoparki bolady. Búginde mýltımedııalyq júıeler, avtokreslolar, logıstıkalyq hab óndirisi jolǵa qoıyldy. Nátıjesinde, barlyǵy 400-den astam jumys orny qurylady. Sonymen qatar, ındýstrıaldy aımaqtaǵy jumys istep turǵan avtomobıl shyǵaratyn zaýyttardyń biri aýqymdy jańǵyrtýdy aıaqtady: dánekerleý jáne boıaý robottary, avtomatty konveıerler, jańa konveıerler ornatyldy. Bul avtomattandyrý deńgeıin arttyrýǵa, oqshaýlaý úlesin arttyrýǵa jáne ınjenerlik kadrlardyń jańa deńgeıin qurýǵa múmkindik berdi. Ujym sany 1600 adamǵa jetti. Endi zaýyt dánekerleý jáne boıaý (CKD) kezeńderin qamtıtyn shaǵyn túıindi ádispen avtokólikterdiń 50 paıyzdan astamyn shyǵara alady. Bes shaǵyn ónerkásip parkin ashý da josparda tur. Bul jobalarǵa 2,48 mlrd teńge ınvestısııa salynyp, 640 jumys orny qurylmaq.
Indýstrıaldy aımaqtyń damýy Almaty qalasyndaǵy shaǵyn jáne orta bıznesti qoldaý baǵdarlamalarymen qatar júrgizilýde. Búginde qalada 1594 adam eńbek etetin 16 shaǵyn ónerkásip parki jumys istep jatyr. Keler jylǵa taǵy 24 park salý josparlanyp otyr.
ALMATY
