О́ner juldyzdary Aqtóbe ferroqorytpa zaýytyna baryp, óndirispen tanysyp, jumysshylarmen birge án shyrqady. Gala-opera Muqan Tólebaevtyń «Birjan – Sara» operasyndaǵy aıtys sahnasymen ashylyp, kórermendi tánti etti. Turǵyndar elimizge belgili, sonymen qatar sheteldik kompozıtorlardyń shyǵarmalarymen tanysty. Al Sergeı Prokofevtiń «Petıa men Qasqyr» sımfonııalyq ertegisin jas kórermen tamashalady. «Astana opera» teatrynyń ártisteri endi Rýdnyı men Pavlodar qalasynda óner kórsetedi.
«Oryndaıtyn baǵdarlamamyz kelgen tyńdaýshy qaýymǵa óte jeńil bolady dep oılaımyn. О́ıtkeni keńinen tanymal mýzyka. Biraq oryndaýshylar úshin ájeptáýir kúrdeli is-shara. Abaı, Brýsılovskıı, Muhamedjanov, Ǵazıza Jubanova jáne Bah, Vıvaldı, Rossını, Verdı sekildi kompozıtorlardyń mýzykasy oryndalady, fleıta men skrıpka aspabyna jazylǵan shyǵarmalar usynylady», deıdi teatr dırıjeri Abzal Muhıtdın.
