Ádebı keshke jınalǵandar aldynda oblystyq qoǵamdyq damý basqarmasy basshysynyń orynbasary Artýr Qambarov qalamgerge oblys ákiminiń quttyqtaýyn tabys etti. Oblystyq kitaphana dırektory Nurlybek Myńjas júrgizgen týyndy tusaýkeserinde aqyn, halyqaralyq «Alash» ádebı syılyǵynyń laýreaty Qatıra Jálenova, Jazýshylar odaǵynyń oblystaǵy ókili Qarshyǵa Esimseıitova, Jýrnalıster odaǵynyń jergilikti fılıalynyń tóraǵasy, oblystyq «Syr boıy» gazetiniń bas redaktory Qýat Sharabıdınov tilegin jetkizip, qalamdastar atynan qurmet kórsetti.
О́mirdiń kúngeıi men kóleńkesin qatar tarazylaıtyn jazýshy-satırık – osy janrda tolymdy eńbek etip kele jatqan qalamgerlerdiń biri. «Eren eńbegi úshin» medali men «Turan» syılyǵyn, «Egemen Qazaqstan» gazetindegi «Sóz soıyl» otaýynyń Balǵabek Qydyrbekuly atyndaǵy júldesin ıelengen satırık shyǵarmashylyq jolyn aýdandyq basylymdaǵy «Kók ıne» atty ázil-syqaq betinen bastapty. Keıinnen oblystyq «Syr boıy» gazetindegi «Túrli-túrli bastar bar» betin júrgizip, uzaq jyl osy basylymnyń Jańaqorǵan, Shıeldi aýdandaryndaǵy tilshisi boldy. Shyǵarmashylyqtan qol úzbegen qalamgerdiń «Jaıma bazar», «Qatyramyz», «Súıinshi daıyndańyzdar», «Aýyldyń aıtqyshtary», «Beti búlk etti», «Úshinshi taım», «Belasar» atty kitaptary baspa júzin kórdi.
Keshte «Mereke dýman» halyqtyq ázil-syqaq otaýy ónerpazdary avtor týyndylarynan ıntermedııa qoıyp, oqyrmandarǵa kitap kórmesi tanystyryldy.
Qyzylorda
