Oblys ákimi Núrlybek Nálibaev qatysýshylarǵa sáttilik tilep, óńir sportyn damytý baǵytyndaǵy jumystarǵa toqtaldy.
«Syr óńirinde sońǵy úsh jylda 18 sport kesheni salynyp, iske qosyldy. О́tken jyly «Samuryq qazyna trast» qorymen birge quny 3 mlrd. 400 mln teńge bolatyn «Ústel tennısi ortalyǵy» salynyp, qoldanysqa berildi. Oblys ortalyǵynda halyqaralyq standarttarǵa saı 11 myń oryndyq ortalyq stadıon salynyp jaty. «Qyzylorda Arena» kópbeıindi sport kesheniniń qurylysy bastaldy. «Qazaqstan halqyna» qorynyń qoldaýymen boı kóteri kele jatqan kópsalaly deneshynyqtyrý-saýyqtyrý kesheni jyl sońyna deıin paıdalanýǵa beriledi. Aldaǵy mamyr aıynda birqatar sporttyq úıirmeni qosa qamtıtyn «Shyǵarmashylyq akademııasy» ashylady», dedi N. Nálibaev.
Saltanatty ashylý rásiminde Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Rýslan Esenalın, batyrdyń urpaǵy Ardasher Shaıymbetov sóz sóıledi.
Jarystyń qadirli qonaǵy, qyrǵyzdyń ataqty balýany, álemniń eki, Azııanyń úsh dúrkin chempıony, Olımpıadanyń kúmis jáne qola medaldarynyń ıegeri Aqjol Mahmýdovqa shapan jaýyp, qurmet tanytty.
Keńes Odaǵynyń batyry Táıimbet Kómekbaevtyń esimin urpaq jadynda qaldyrý maqsatynda jyl saıyn túrli sharalar ótkizilip keledi. Bıylǵy eske alý sharasynyń ereksheligi – grek-rım kúresinen halyqaralyq týrnır tuńǵysh ret uıymdastyrylyp otyr. Osy jyldan bastap jarys oblys ákimdiginiń qoldaýymen halyqaralyq deńgeıde ótkiziledi.
