«Naýryz jumysker»: Mańǵystaýda júzden astam turǵyn tólem qabiletin rastady

«Otbasy bank» qyzmetkerleri baı­qaý­dan ótken (negizgi tizimge engen, maquldaý alǵandar), biraq baspanaǵa tańdaý jasamaǵandar nemese áli úı qarap júrgen klıentterge daıyn turǵyn úı keshenderine tanystyrý ótkizdi. Mundaǵy maqsat – adamdardyń ýaqytyn únemdep, banktiń kúndelikti naryqtyq baǵdarlamalarymen alýǵa bolatyn qujat­tary daıyndaý, qurylystary aıaq­talǵan nysandardy kórsetý. Aqtaýlyq Gúlnaz Ońdasynova «Naýryz» baǵdarlamasyna ótinim berip, baıqaýdan ótken. Endi ol 2 bólmeli páter qarap júr.

«30 mln teńgege maquldaý aldym. «Otbasy bankine» úlken raqmet. Halyq­tyń jaǵdaıyn oılap, arnaıy týr uıym­das­tyrdy. Osy arqyly turǵyn úı keshen­derin kórip, páterlerdi aralap, ýaqy­tymyzdy únemdep jatyrmyz. Maǵan eki bólmeli páter qajet. Búgin barlyǵyn kórip shyqtym, endi sheshim shyǵaramyn», deıdi Gúlnaz.

«Otbasy týr» aıasynda «Naýryz ju­mys­ker» baǵdarlamasy arqyly baspanaly bolǵan turǵyndarǵa kilt tabystaý rásimi ótti. Solardyń biri – Raqymjan Tańatarov. Kólik júrgizýshisi bolyp eńbek etetin ol 2022 jyly «Otbasy bank­te» depozıt ashyp, qarajatyn jınaı bastaǵan.

«Naýryz jumysker» baǵdarlamasyn áleýmettik jeliden kórip, ótinish bergen edim. 30 mln teńgege maquldady. Sapaly salynǵan turǵyn úı keshenderinen tańdap turyp 1 bólmeli páter aldym. «Otbasy banktiń» tıimdiligi – paıyzy az», deıdi Raqymjan Tańatarov.

Aqtaý qalasynyń turǵyny Naýryzbek Alýadınov te «Naýryz jumysker» baǵdarlamasynyń arqasynda 12 jyldan beri armandaǵan baspanasyna qol jetkizdi. 17 naýryzda ótinish berip, 9%-dyq (JTSM 9,4%-dan 13%-ǵa deıin) ıpotekaǵa ilikken.

«Alǵashqy úıim. Qýanyshymda shek joq. Zaýytta isteımin. «Otbasy banktiń» qyzmetkerleri jumysqa kelip, túsindirgen bolatyn. Maǵan «Naýryz jumysker» baǵdarlamasy óte tıimdi boldy. Sosyn ótinish berdim. Memlekettiń qoldaýymen osyndaı baǵdarlamalardy paıdalaný kerek. «Otbasy banktiń» qyzmetkerleri de jaýapty. Nátıjesinde, 92 sharshy metrlik 2 bólmeli úı aldym», deıdi Naýryzbek Alýadınov.

«Otbasy bank» Mańǵystaý oblystyq fılıa­lynyń dırektory Medet Ábýǵalıev­tyń aıtýynsha, buryn mem­le­ket­­tik baǵdarlamaǵa qatysý úshin ke­zek­te turý mindet bolatyn. «Naýryz ju­mysker» baǵdarlamasynyń aıyrma­shy­lyǵy – turǵynnyń óziniń jáne otbasy músheleriniń atynda sońǵy 5 jylda baspana bolmasa qatysa alady.

«Naýryz jumysker» baǵdarlamasy – bıylǵy «Jumysshy mamandyqtary jyly» aıasynda arnaıy iske qosyldy. Áleýmettik osal top ókilderi jylyna 7% (JTSM 7,1%-dan 9,6%-ǵa deıin), basqa sanattaǵy azamattar 9%-ben (JTSM 9,4%-dan 13%-ǵa deıin) alady. Aqtaýdan baspana alatyn bolsa, jańadan salynǵan turǵyn úılerden alý qajet. Sondyqtan biz «Otbasy týr» ótkizip, klıentterimizge ońaı bolsyn dep, daıyn páterlerdi tanys­tyryp jatyrmyz», deıdi fılıal dırektory.

Medet Ábýǵalıevtyń pikirinshe, tur­ǵyn­dar qarajat jınaýdy úırený kerek. Sol kezde eń tómen paıyzben ıpoteka alady.

«Otbasy banktiń» mıssııasy – Otba­sylardy jeke baspanamen qam­tamasyz etý, uzaq merzimdi ál-aýqatyn arttyrý arqyly Otan sezimin nyǵaıtý. Ipotakalyq memlekettik baǵdarlamalar osy bizdiń Otbasy bank arqyly júrgiziledi. Adamdar qarajat jınap úırený kerek. Sonda olar eń tómen paıyzben, tıimdi sharttarmen bolashaqta baspana alady. Qarajat jınaý mádenıetin qalyptastyrý kerek – deıdi ol.