Foto: Mádenıet jáne aqparat mınıstrligi
Qazaqstan fýtboly týraly alǵashqy fılmniń jabyq kórsetilimi búgin, ıaǵnı 22 sáýirde bas shaharda ótti.
Jastarǵa arnalǵan motıvasııalyq kınotýyndy qandaı jaǵdaı bolmasyn armannan bas tartpaýǵa úndeıdi.
«90+1» dep atalatyn fılm 24 sáýirden bastap elimizdiń barlyq óńirinde prokatqa shyǵady.
«Kınokartınanyń rejısseri – «Qazaqsha bıznes», «Ákim» sekildi jobalarmen tanylǵan Tımýr Dýlatov. Basty rólderdi Qýanysh Kerimqulov, Almat Saqatov, Artýr Asqaruly somdady. Fılmde fýtboldy jaqsy kóretin jigittiń armany men ómir jolynda kezdesken qıyndyqtary týraly baıandalady. Týyndy shytyrman oqıǵalarǵa toly», dep málimdedi Mádenıet jáne aqparat mınıstrliginiń baspasóz qyzmeti.
