Foto: Zakon.kz
Aımaqtyń birneshe aýdandary men Petropavl qalasyndaǵy bilim berý uıymdarynda zeınetke shyqqan 295 pedagogke tıesili 37,6 mıllıon teńge kólemindegi ótemaqy berilmegeni belgili boldy. Bul jaǵdaılar Aıyrtaý, Ǵabıt Músirepov, Esil, Jambyl, Maǵjan Jumabaev, Qyzyljar, Shal aqyn, Taıynsha, Ýálıhanov aýdandarynda oryn alǵan.
Budan bólek, Esil, Ǵ.Músirepov jáne Taıynsha aýdandarynda biliktiligin arttyrý kýrstarynan ótken 37 muǵalimge jalpy somasy 4,3 mıllıon teńge bolatyn issapar shyǵyndary ótelmegen.
Tekserý nátıjesinde kináli laýazymdy tulǵalar tártiptik jaýapkershilikke tartylyp, 25 qyzmetkerge 4,9 mıllıon teńge kóleminde tólem júrgizildi. Qalǵan zańbuzýshylyqtardy joıý baǵytynda jumystar jalǵasyp jatyr.
