Eń kóp ótinish berýshi – Almaty, Astana jáne Túrkistan oblystarynyń turǵyndary. Ulytaý, Pavlodar jáne Atyraý oblystarynda belsendilik tómen. Qaldyrylǵan ótinim boıynsha jumys sapasyz atqarylǵan jaǵdaıda, platformada shaǵym berý fýnksııasy bar. Chat-bot iske qosylǵannan beri 527 shaǵym tústi, olardyń kópshiligi aýmaqtardaǵy tazalyq jumystarynyń durys júrgizilmeýine, qoqystardy ýaqtyly shyǵarmaý men joldardyń nashar jaı-kúıine qatysty.
Platforma elimizdiń turǵyndaryna ártúrli ekologııalyq máseleler boıynsha ótinish pen shaǵym berýdiń qarapaıym da yńǵaıly tetigin usynady. О́tinimdi jiberý úshin avtorızasııadan ótý, fotosýretti tirkeý, mekenjaıdy kórsetý jáne máseleni qysqasha sıpattaý qajet. Artynsha ótinim avtomatty túrde tıisti jergilikti atqarýshy organdarǵa jiberiledi. Oryndaýshylar jumys aıaqtalǵannan keıin fotoesepti tirkeýge mindetti. Al ony joldaǵan azamat oryndalý barysy týraly habarlama alyp, kórsetilgen qyzmettiń sapasyn baǵalaı alady.
@TazaQazBot chat-boty arqyly ekologııalyq úderisterdiń ashyqtyǵy, jedeldigi baqylanady jáne azamattar da osy máselelerdi sheshýge atsalysa alady. Bul qorshaǵan ortanyń lastanýyna jáne ekologııalyq normalardy buzýǵa «nóldik tózimdilik» mádenıetin qalyptastyrýǵa yqpal etedi.
