Búgin Qaraǵandy qalasynyń «Alash» saıabaǵynda júzden astam aǵash egildi. Eriktiler, jas belsendiler, qalalyq máslıhat depýtattary, bıznes-qoǵamdastyq ókilderi, qoǵam qaıratkerleri men kommýnaldyq sala qyzmetkerleri qatysty.
– «Alash» saıabaǵy – qalanyń mańyzdy qoǵamdyq keńistikteriniń biri, osyndaı bastamalardyń arqasynda ol jaıly ári kógaldanyp keledi. Ekologııany qoldaý – bizdiń ortaq mindetimiz, – deıdi qalalyq máslıhat depýtaty Nurlan Áýbákirov.
Qaraǵandy qalasynyń kásipkerler qaýymdastyǵynyń basshysy Serik Sanaýbaev mundaı aksııalar qorshaǵan ortaǵa jaýapkershilikti qalyptastyratynyna senimdi.
Saranda úsh myńnan astam oqýshy bilim berý alleıasy men mektep janyndaǵy aýmaqtardy abattandyrýǵa shyqty. Aldymen qoqys, eski japyraqtar men butaqtar jınalyp, petýnııalar men 600-ge jýyq qaıyń kóshetteri egildi.
Aksııanyń jas qatysýshylary kógaldandyrýǵa arnalǵan gúl kóshetterin mektep jylyjaıynda ózderi ósirgen. №17 mektep-gımnazııasynyń oqýshylary óz eńbekteriniń jemisin kórsetti.
Al Abaı atyndaǵy mekteptiń oqýshylary «Qysqy baq» úıirmesiniń qyzmeti týraly áńgimelep, gıdroponıka – topyraqsyz ósimdikterdi ósirýdiń zamanaýı ádisi salasyndaǵy bilimderimen bólisti.
Qaraǵandy turǵyndary aýlalaryn kógaldandyrýda. Endi Ortalyq mádenıet jáne demalys saıabaǵynda alma baǵy bolady. Munda bes myń kóshet egilip jatyr.
Qaraǵandy oblysynyń barlyq qalalary men aýdandarynda aǵash, buta jáne gúl kóshetteri egiledi.
Qaraǵandy oblysy
