Ortalyq memlekettik kıno-fotoqujattar men dybys jazbalarynyń muraǵaty elimizdegi kıno-foto-fonoqujattarda Qazaqstan tarıhy men mádenıeti boıynsha biregeı materıaldaryn saqtap otyrǵan birden-bir aýdıovızýaldy muraǵat. Condaı-aq, postkeńestik keńistiktegi eń kólemdisi sanalady. Elimiz tarıhy boıynsha aýdıovızýaldy qujattardy tolyqtyrý, saqtaý jáne paıdalaný salasynda sheteldik arhıv, ǵylymı jáne murajaı mekemelerimen belsendi yntymaqtasyp keledi. Arhıv qorynda 1940-1950 jyldardaǵy Qazaqstan-AQSh qarym-qatynasyn aıǵaqtaıtyn kıno-fotoqujattar saqtalǵan.
Arhıv dırektory Ilııas Ysqaqov Qazaqstan men Amerıka zertteýshilerine ortaq taqyryptarǵa toqtalyp, AQSh kongresiniń kitaphanasymen aýdıovızýaldy qujattarmen almasý jáne kórme qyzmeti salasyndaǵy birlesken qyzmet týraly atap ótti. О́z kezeginde AQSh-tyń Almaty qalasyndaǵy bas konsýly Mıshel Erkin eki eldiń aýdıovızýaldy kolleksııalarynda mádenı baılanystar tarıhyn dáripteý men kásibı muraǵattyq baılanystardy damytýǵa jan-jaqty qoldaý kórsetý boıynsha birlesken jumystarǵa qyzyǵýshylyq tanytsa, Syrtqy ister mınıstrligi Almaty qalasyndaǵy saıası yntymaqtastyq basqarmasynyń jetekshisi Almasha Arenova mádenıet, bilim, ǵylym salasyndaǵy yqpaldastyq aıasynda arhıv qorlaryndaǵy osy elderge tán tarıhı derekterdi zertteý isiniń mańyzyn atap ótti.
Kezdesýge konsýldyq qyzmetkerleri Hıra Kor Kamboj, Erasyl Tóleýǵazınov, Aıgúl Qasymova, Merýert Boltaeva qatysyp, «Muraǵat 2025» baǵdarlamasy boıynsha anyqtalǵan biregeı kıno-foto jáne fonoqujattardyń túpnusqalaryn saqtaý, sıfrlandyrý salasyndaǵy muraǵatty aralap kórdi. Sondaı-aq, 1944-1968 jyldary Qazaq KSR men AQSh arasyndaǵy yntymaqtastyq tarıhyn sıpattaıtyn fotokórme, sırek kezdesetin kınokadrlarmen tanysty.
Kezdesýde eki eldiń arhıvteri arasyndaǵy yntymaqtastyqty jandandyra otyryp, elimizdiń ulttyq sıfrlyq arhıvin damytý maqsatynda AQSh-tyń ulttyq arhıv jáne qujattama basqarmasymen (NARA) arhıv qyzmetkerleriniń biliktiligin arttyrý, tájirıbe almasýy, arhıv isi jáne sıfrlyq arhıvter salasyndaǵy birlesken jobalardy damytý kózdelgen.
Almaty
