2024 jyldyń qarasha aıynda mınıstr Shyńǵys Árinov ár danasynyń quny 120 mln teńge bolatyn órt sóndirgish drondar alý týraly oıy baryn aıtqan bolatyn.
– Onyń qandaı ereksheligi bar? 150 metrge deıingi bıikke kóterilip, órt sóndire alady. Bizde bar órt sóndiretin kóliktiń kez kelgeninen jalǵanyp, qansha ýaqyt qajet bolsa, sonsha merzim boıy órt sóndirý jumystaryn atqara alady, – degen edi sol kezde.
Astana qalasynda ótken baspasóz máslıhatynda О́rtke qarsy qyzmet komıtetiniń ókilderi osy jobanyń artyqshylyǵyn sóz etti.
– Ol dron qazir Astana qalasynda synaqtan ótip jatyr. Iаǵnı, ázirge bir danasyn ǵana aldyq. Mysaly, keshe ǵana Abu Dhabi Plaza kesheninde oqý-jattyǵý jıynyn ótkizgende osy drondy paıdalandyq. Ol apparat záýlim ǵımarattardyń qasbetindegi jáne balkondardaǵy órtti sóndirýde aıtarlyqtaı tıimdi ekenin kórsetti deýge bolady. Bul tájirıbeni áli de pysyqtap, baqylaımyz. Shynymen tıimdi ekenin kórsetse, jappaı satyp alý týraly sheshim qabyldaımyz, – dep naqtylady Qanat Dospaev.
О́rtke qarsy qyzmet komıtetiniń bas mamany Eldos Zııada bolsa, mınıstrlik óz jumysynda pılotsyz ushatyn apparattardy jıi qoldanatynyn jetkizdi.
– Qazirgi ýaqytta mınıstrlik balansynda 160-tan astam dron bar. Ol drondar kóbine órtti erte anyqtaýǵa paıdalanylady. Áýeden monıtorıng jasaýǵa da jıi qoldanamyz. Mamandanǵan ortalyqta arnaıy drondar bar. Ol ózi túsirgen beıneni onlaın rejımde ortalyqqa jiberip otyrady. Árbir orman alqaptarynyń qasynda Tótenshe jaǵdaılar mınıstrliginiń qosymsha kúshteri jumyldyrylǵan. Árbir órt sóndirgish kóliktiń qasynda bir dron bar. Olar órtti erte anyqtap ǵana qoımaı, jalynnyń betalysyn naqtylap, dál baqylaýǵa da qolaıly, – dedi ol.
