Atyraýda ańyz akterdiń ǵumyry arqaý etilgen «Taǵdyr taqtasy» spektakli sahnalandy. Týyndyny atyraýlyqtarǵa akterdiń ózi qurǵan «Jańa ǵasyr» teatry usyndy.
Basty erekshelik – sahna shahmat taqtasymen bezendirilýi. Al ańyz adamnyń ómir jolyn beıneleý úshin ala jolaq tańdalǵan.
Qazaqstannyń Eńbek Eri, teatr jáne kıno akteri Asanáli Áshimovtiń ózi «Taza Qazaqstan» aksııasy aıasynda Atyraýdaǵy jastar teatry saıabaǵyndaǵy kóshet egý is-sharasyna qatysty. Tanymal akter óziniń ataýly kóshetin ekti.
«Kóktemniń jaımashýaq kúnderinde Atyraý oblysyna gastroldik saparmen kelip qaldyq. Bul – «Jańa ǵasyr» teatrynyń kezekti rýhanı sapary. Teatrlardyń ártisteri ózara pikir almasyp, bir-biriniń ónerine baǵa berýge umtylýy – óte qundy ári qajet úrdis. О́nerge bet burǵan jastardyń ósip-órkendeýine árdaıym tilekshi bolyp júremiz. Jastar osyndaı gastroldik saparda tájirıbe almasyp, shyǵarmashylyq sheberligin jetildiredi», dedi A.Áshimov.
Qazaq óneriniń ańyzy munaıly shahardaǵy Jastar teatrynyń mýzeıine óziniń kitabyn tabystady.
Atyraý oblysy
