Býrabaı aýdandyq sotynyń baspasóz qyzmetinen habarlaǵandaı, kámeletke tolmaǵan balany tárbıeleý boıynsha mindetterin tıisti oryndamaǵany úshin aıyppul taǵaıyndaldy.
«Sotta anyqtalǵandaı, Shýchınsk qalasynyń turǵyny S. 2022 jyldyń naýryzynda psıhıkalyq aýrý dıagnozymen 2014 jyly týǵan kámeletke tolmaǵan Ch.-ny patronattyq tárbıeleýge alyp, ony tárbıeleý jáne oǵan qamqorlyq jasaý jónindegi mindetterdi óz moınyna júktese de, balany jıi uryp-soqqan. Solaısha, 2024 jyldyń qazanynda S. balanyń aıaǵyn temir usaqtaǵyshpen uryp, denesine zaqym keltirgen”, - delingen sot habarlamasynda.
Sot-medısınalyq saraptamanyń qorytyndysyna sáıkes, balada syzattar, tyrtyq túrinde dene jaraqattary anyqtaldy.
Jaza taǵaıyndaýda sot aýyrlatatyn mán-jaı dep kinálige táýeldi dármensiz balaǵa qatysty qylmystyq teris qylyq jasaǵanyn eskerdi.
«Sot úkimimen S.-ǵa pedagogıkalyq laýazymdardy atqarý nemese kámeletke tolmaǵan balalardy tárbıeleýge baılanysty qyzmetpen aınalysý quqyǵynan 2 jylǵa aıyra otyryp, 80 AEK (295 360 teńge) mólsherinde aıyppul taǵaıyndaldy», - delingen habarlamada.
Sot aktisi zańdy kúshine engen joq.
