Saǵat 11:00-den 12:15-ke deıin bas sahnada elimizdiń etnıkalyq jáne mádenı ártúrliligin tanytatyn qazaqstandyq oryndaýshylar men shyǵarmashylyq ujymdar óner kórsetedi. Kórermenderge vokaldy jáne aspaptyq shyǵarmalar, halyq bıleri men zamanaýı kompozısııalar usynylady.
Sahna tórinde L Duo dýeti, pıanıst Temirlan Beısenbaı (Ratovich), «Diamond» strýndy trıosy, dýdýkıst Meıirman Abdrahmanuly, «Dervıshı», «Made in KZ» toptary men Bashqurtstannan kelgen «Ay Yola» toby óner kórsetedi. Kúndizgi konsert Qazaqstannyń halyq artısi Roza Rymbaevanyń oryndaýymen qorytyndylanady.
12:15-ten 16:00-ge deıin etnomádenı birlestikterdiń shyǵarmashylyq ujymdary merekelik konsertti jalǵastyrady. Al keshki saǵat 19:00-de Abaı alańynda qazaqstandyq estrada juldyzdarynyń qatysýymen úlken shoý-konsert ótedi. Basty juldyz – Aıqyn Tólepbergen. Sondaı-aq Búrkit, Marsel, Dýman Marat pen Marhaba Sábı óner kórsetedi.
Sonymen qatar Abaı alańynda «Edınstvo naroda v fokýse» atty fotokórme uıymdastyrylady. Onda kelýshiler Qazaqstan halqy Assambleıasynyń 30 jyldyq tarıhynan syr shertetin sátterdi tamashalaı alady.
Merekege oraı Tuńǵysh Prezıdent saıabaǵynda saǵat 10:00-de birlik júgirý jarysy ótedi. 300-ge jýyq adam qatysatyn bul shara da Assambleıanyń mereıtoıyna arnalǵan.
Almatynyń basqa aýdandarynda da túrli merekelik is-sharalar josparlanǵan:
- 30 sáýir– Áýezov aýdanynda saǵat 11:00-de Family Park-ta etno-konsert ótedi;
- 30 sáýir– Alataý aýdanynda saǵat 15:00-de Innovasııalyq shyǵarmashylyq ortalyǵynda konsert ótedi (Nurkent shaǵyn aýdany, 14a);
- 1 mamyr– Almaly aýdanynda 12:00-de M. Gandı atyndaǵy saıabaqta konsert ótedi;
- 1 mamyr– Bostandyq aýdanynda 12:00-de «Atakent» arkasy aldynda merekelik shara uıymdastyrylady;
- 1 mamyr– Jetisý aýdanynda 11:00-de Arbatta (Aınabulaq shaǵyn aýdany) oıyn-saýyq sharalary ótedi;
- 1 mamyr– Medeý aýdanynda 12:00-de Ortalyq mádenıet jáne demalys saıabaǵynda konsert ótedi;
- 1 mamyr– Naýryzbaı aýdanynda 11:00-de Shuǵyla shaǵyn aýdanyndaǵy amfıteatrda merekelik konsert ótedi;
- 1 mamyr– Túrksib aýdanynda 11:00-de №6 mektep úıi aýmaǵynda (Seıfýllın dańǵyly, 13/1) konsert uıymdastyrylady.
