Qylmystyq toptyń áreketi saldarynan keltirilgen jalpy shyǵyn 12 mıllıon teńgeden asady.
Tergeý málimetteri boıynsha, kúdiktiler jergilikti turǵyndy qylmystyq jaýapkershilikke tartamyz dep qorqytyp, onyń qolma-qol aqshasy men kóligin ıemdengen. Jábirlenýshini aldaý maqsatynda olar jalǵan qyzmettik kýálikter men prosessýaldyq qujattardy paıdalanǵan.
Tintý kezinde tártip saqshylary kúdiktilerden: jalǵan qyzmettik kýálikter, prosessýaldyq qujattardyń blankilerin, polısııa formasynyń elementterin, oq-dáriler men sýyq qarýlar, túrli elderdiń memlekettik nómirleri men birneshe mór tárkilegen. Ustalǵandardyń barlyǵy ýaqytsha ustaý ızolıatoryna qamaldy. Atalǵan fakti boıynsha QR Qylmystyq kodeksiniń tıisti babymen qylmystyq is qozǵaldy. Tergeý jalǵasýda.
Quqyq qorǵaý organdary azamattardy qyraǵy bolýǵa shaqyryp, beıtanys adamdardan kelgen kúmándi áreketterge tap bolǵan jaǵdaıda birden 102 nómirine habarlasýǵa keńes beredi.
