Forýmnyń negizgi taqyryptary jasandy ıntellektiniń mádenıet pen adam shyǵarmashylyǵyna yqpaly, sondaı-aq beıbitshilikti nyǵaıtýdaǵy mádenı baılanystardyń róli boldy.
Plenarlyq sessııada sóz sóılegen Aıda Balaeva jahandyq turaqsyzdyq jaǵdaıynda mádenıettiń erekshe mańyzyn atap ótti.
«Mádenıet tek ótkenniń murasy emes, bul – dıalogtiń tetigi, urpaqtar, ulttar men dinder arasyndaǵy kópir. О́rkendeý dáýirinde de, qıyn kezeńderde de mádenıet rýhty kóterip, shabyttandyryp, adamdardy biriktirip otyrdy. Búginde de bul – bolashaqqa aparatyn senimdi tiregimiz ári elder arasyndaǵy ózara is-qımyl tetigi», dedi mınıstr.
Sonymen qatar Aıda Balaeva Qazaqstandaǵy ǵasyrlar boıy qalyptasqan mádenı áralýandyq dástúrlerine toqtaldy. Búginde elimizde júzden asa etnos ókilderi óz tilin, ónerin saqtap, beıbit ómir súrip keledi. Mınıstr Memleket basshysy jarııalaǵan «Áralýandyqtaǵy birlik» qaǵıdaty Qazaqstandaǵy beıbitshilik pen kelisimniń berik negizine aınalǵanyn erekshe atap ótti.
Sammıt jumysyna 90 eldiń delegasııalary qatysty. Halyqaralyq jıyn ıdeıa almasý, gýmanıtarlyq saladaǵy halyqaralyq yntymaqtastyqty jáne mádenıet arqyly beıbitshilikti nyǵaıtýǵa baǵyttalǵan jańa bastamalardy qalyptastyratyn mańyzdy alańǵa aınaldy.
