Aımaqtar • 29 Sáýir, 2025

Zańsyz alkogol ónimderi tárkilendi

30 ret

kórsetildi

1 mın

oqý úshin

Ulytaý oblysynyń saýda núktesinde ruqsat qujatynsyz (lısenzııasyz) saqtalǵan ár túrli ataýdaǵy quny 700,0 myń teńgeden asatyn 690 lıtr (19 kega syra) zańsyz alkogol ónimderi anyqtaldy, dep habarlaıdy Egemen.kz.

Juldyz TOIBEK

Atalǵan zań buzýshylyqty Ulytaý oblysy boıynsha Memlekettik kirister departamenti Jezqazǵan qalasy boıynsha Memlekettik kirister basqarmasymen birlesken reıd nátıjesinde anyqtady.

Atalǵan fakt boıynsha QR Ákimshilik quqyq buzýshylyq týraly kodeksiniń 463-baby boıynsha ákimshilik is qozǵalyp, odan ári qaraý úshin sotqa joldandy.

Quqyq buzýshylyqtyń tikeleı nysanasyna aınalǵan aksızdeletin taýarlar tárkilendi, sondaı-aq, salyq tóleýshi 25 aılyq eseptik kórsetkish mólsherinde aıyppul túrinde ákimshilik jaýapkershilikke tartylatyn bolady.

Memlekettik kirister departamenti tıisti lısenzııasyz, taýarlarǵa arnalǵan ilespe júkqujattarynsyz jáne sáıkestendirý quraldarymen tańbalanbaǵan aksızdeletin ónimdi Qazaqstan Respýblıkasynyń aýmaǵynda ótkizýge tyıym salynǵanyn eske salady.

Ulytaý oblysy