Sýret: facebook.com/batyskz
Mártebeli meımandy áýeli Batys Qazaqstan oblysynyń ákimi Narıman Tóreǵalıev qabyldap, resmı kezdesý ótkizdi. Kezdesýde taraptar ekijaqty yntymaqtastyq, onyń ishinde logıstıka, kólik, agroónerkásiptik keshen jáne qurylys salalaryndaǵy máselelerdi talqylady. Elshi óńirdiń kásipkerlerin elshilik uıymdastyratyn bıznes-mıssııalar sheńberinde Lıtva Respýblıkasyna shaqyrdy.
Aıta keteıik, Aqjaıyq óńiri men Lıtva arasynda kásipkerlik baılanys qazirdiń ózinde jaman emes. 2024 jyl qorytyndysyna qaraǵanda Batys Qazaqstan oblysynyń Lıtva Respýblıkasymen taýar aınalymy 877 myń dollar bolǵan. Onyń ishinde eksport 262,4 myń dollardy, al ımport 614,6 myń dollardy quraǵan. Mysaly, ımporttyń negizgi taýary – irimshik pen kıim-keshek 500 myń dollarǵa jetse, eksport – polıetılen qaptar men paketter 137 myń dollar bolypty. Eki tarap bolashaqty ekonomıkanyń barlyq salasynda yntymaqtastyqty odan ári damytýǵa kelisti.
Osy saparǵa oraı Oral qalasynyń kórme zalynda «Unseen Lithuania» atty kórme ashylyp, Lıtva memleketiniń ekonomıkalyq áleýetin, kásipkerlik kúsh-qýatyn, mádenıeti men tarıhyn beıneleıtin fotolar qoıyldy.
Budan keıin Mahambet О́temisuly atyndaǵy Batys Qazaqstan ýnıversıtetinde elshiniń stýdenttermen kezdesýi ótti. Kezdesý barysynda Egıdıýs Navıkas myrza Lıtva Respýblıkasy, onyń joǵary bilim berý júıesi jáne akademııalyq yntymaq múmkindigi týraly keńinen áńgimeledi. Stýdentter halyqaralyq stıpendııalar men ǵylym jáne bilim salasyndaǵy birlesken jobalarǵa qatysý múmkindigine qyzyǵýshylyq tanytty. Elshi Lıtvanyń áriptestikke ázir ekenin, qazaqstandyq joǵary oqý oryndarymen baılanysty damytýǵa múddeli ekenin atap ótti.
«Qazirgi zamanda bilim berý salasyndaǵy halyqaralyq seriktestik – bizdiń elderimizdiń turaqty bolashaǵyna jasalǵan ınvestısııa», dedi Egıdıýs Navıkas.
Sapar sońynda qonaqtar BQÝ arheologııa mýzeıin aralap, óńirdiń arheologııalyq muralarymen jáne ýnıversıtet ǵalymdarynyń jetistikterimen tanysty. Olar tarıhı-mádenı murany saqtaý mańyzdylyǵyn atap ótti.
Batys Qazaqstan oblysy
