Qylqalam sheberiniń qolynan shyqqan kórkem dúnıelerdiń qatarynda maıdan sýretteri, álemge tanymal kartınalardyń kóshirmeleri, peızajdar, ár kezde jergilikti basylymdarda jarııalanǵan karıkatýralar bar. Ardagerdiń eńbek, beıbitshilik, jeńis taqyrybyna salǵan plakattary mýzeıde saqtaýly tur.
Andreı Iаkovlevıch 1943 jyly 17 jasynda áskerge alynyp, Batys Ýkraınadaǵy 88-shekara otrıadynda radıst qyzmetin atqarady. Partızandar men barlaýshy toptar arasynda baılanys ornatyp, talaı mańyzdy operasııanyń sátti uıymdastyrylýyna atsalysady. Soǵystan keıin de 1950 jylǵa deıin shekara qyzmetinde bolady. 1956 jyly Qostanaıdaǵy turmystyq fabrıkaǵa sýretshi bolyp jumysqa turady.
«Okopta jatyp qaǵazǵa qara qaryndashpen salǵan sýretterimniń kóbi joǵalyp ketti. Úıde soǵysta salǵan biraz eskızim saqtaýly tur. О́rt sóndirýshilerdiń erligi beınelengen kartınalarym da bar», deıdi maıdanger.
Qostanaı oblysy
