Ol bir nannyń baǵasyn 180 teńgeden saýdalap, kúnine tańerteńgilik 250 bólkeni peshten shyǵaryp taratady.
Jeke kásippen aınalysý týraly sheshimge kelgen boıda joba ázirlep, memlekettik baǵdarlamanyń qoldaýyna arqa súıegen. Aldaǵy ýaqytta nan ónimderiniń túr-túrin pisirýdi de qolǵa almaqshy. Ol memlekettik baǵdarlama arqyly alǵan qarajatty túgel nan pisiretin pesh pen jabdyqtar alýǵa jumsaǵan.
Jumysyn jolǵa qoıǵannan keıin ózine kómekshi retinde bir adamdy jumysqa qabyldaıdy. Jeke kásibin ashyp, armanyn júzege asyrǵan Aıgúlim Aqataıdyń tájirıbesi aýyldaǵy jumyssyz qyz-kelinshekterge jaqsy úlgi. Yrǵyz aýdanyna jumys sapary kezinde naýbaıhana jumysymen tanysqan óńir basshysy Ashat Shaharov súıikti isin tabys kózine aınaldyryp, salyq tólep, qosymsha jumys oryndaryn ashatyn belsendi áıelder qatarynyń kóbeıýi eldi mekenderdiń damýy úshin óte mańyzdy ekenin atap ótti.
Yrǵyz aýdanynyń ákimi Nurlan Qyzbergenovtiń habarlaýynsha, byltyr «Aýyl amanaty» baǵdarlamasy aıasynda 479,69 mln teńgege 73 joba maquldanǵan. Onyń ishinde Yrǵyz aýyldyq okrýginde 32 adam memlekettik baǵdarlama esebinen jeńildetilgen nesıege qol jetkizgen.
Bıyl 30 mln teńgeniń 3 jobasy maquldansa, qalǵandarynyń qujattary rásimdelip jatyr.
Aqtóbe oblysy
