Bul jigittiń esimi – Zákirjan Mamlıýtov. Tatar aǵaıynnyń balasy. Ata-anasy Petropavldyń janyndaǵy Mamlıýt degen shaǵyn qalada týǵan. Bul qalanyń Zákirjanǵa tikeleı qatysy bar. О́ıtkeni osy jerge onyń arǵy babasy Mamlıýt aqsaqal Qazannan arbamen kóship kelip, alǵashqy bolyp qonys salǵan eken. Sodan qazaqtar osy jerdi Máýlit atap ketken. Oryssha jazbada ol keıin Mamlıýtke aınalǵan.
Zákirjannyń anasy Tarazdaǵy joǵary oqý ornyna túsip, mamandyǵyn sonda alady. Al ákesi Petropavldyń pedınstıtýtyn bitirgenimen súıgen qyzynyń janyna baryp, eki jas úılengen soń Taraz qalasynda turyp qalady. Sodan jas otbasy tabıǵaty jaıly Tarazda 20 jyldaı ómir súrip, týǵan jerge bertin ǵana qonys aýdarady. Zákirjan men qaryndasy sol qalada 1981 jyly dúnıege kelgen.
Zákirjannyń ákesi Harıs jastaıynan sportpen aınalysyp, keıin ózi aınalysqan erkin kúresten áli kúnge jattyqtyrýshy bolyp keledi. Al anasy mektepte eńbekten sabaq beredi. О́z eńbegimen kún kórgen otbasy balasyn da eńbekqorlyqqa baýlyp ósirgeni kórinip turady.
Zákirjan Soltústik Qazaqstan ýnıversıtetin «Búkilálemdik tarıh» mamandyǵy boıynsha 2002 jyly bitirgen. Stýdent bolyp júrgen jyldarynda da qoǵamdyq ómirge belsene aralasyp, teń qurbysynyń aldy bolyp júretin. Qandaı ortada bolsyn bilimsiz adam qamal almaıtynyn sezgen ol, bilimin jalǵastyryp, zań akademııasynda da oqyp, dıplom alady. Al 2020 jyly jýrnalıstıkanyń magıstrligin bitiredi.
Kóp bilimniń paıdasy onyń jan-jaqtylyǵyn arttyryp, bıznesti de, qoǵamdyq isterdi de, tipti ákimdikpen jaqyndyqty da qatar alyp júrýine múmkindik bergen. Ol – qazir «KZ Medıa» kompanııasynyń dırektory jáne «KZ News» aqparattyq portalynyń basshysy. Sońǵy shaqyrylymda ol Petropavl qalalyq máslıhatynyń depýtattyǵyna saılanǵan. Zákirjan – sondaı-aq oblys ákiminiń kreatıvtik ekonomıka jónindegi keńesshisi. Árıne, ol qaladaǵy tatar etno-mádenı ortalyǵynyń jumysyna atsalysyp, QHA jumysyna da qoldaý bildirip júredi.
«Bizdiń qaladaǵy máselelerdiń eń úlkeni – joldardyń jaramsyzdyǵy, qoqystyń shyǵarylýy, qalanyń álsiz jaryqtandyrylýy. Osylardy máslıhattyń otyrystarynda únemi qyzý talqylap, suraýlar beremiz. О́zim naqty aınalysyp júretin taǵy bir másele – qalamyzda jastardyń turaqtanýy. Bıyl kreatıv ortalyqty da sol úshin ashyp, shyǵarmashyl jastar úshin shaharymyzdyń tartymdy bolýyn kózdep otyrmyz», deıdi ol.
Kúni boıǵy alysqan bıznes, túrli jobalar, kezdesýler, qoǵamdyq jumystardan sharshaǵanda Zákirjandy úıinde súıgen jary Regına, qos qyzǵaldaǵy Iаsmın men Sofııa qarsy alady. Regına da – tatar qyzy, semeılik. Otbasynda qazaq tili jat emes, tatar tilin de qoldanýǵa tyrysady. Zákirjan til saqtalmasa, ulttyń jutylatynyn jaqsy biledi. Ol qazaqtar sııaqty óziniń jeti atasyn da aıtyp bere alady. Sondyqtan áýletinde týǵan tilinde sóılesýge tyrysady.
Petropavl
