О́shpes dańq • 02 Mamyr, 2025

Ulandyqtar Jeńistiń 80 jyldyǵyna oraı patrıottyq aksııa ótkizdi

90 ret

kórsetildi

1 mın

oqý úshin

Uly Jeńistiń 80 jyldyǵy qarsańynda QR IIM Ulttyq ulany Astanada úlken patrıottyq aksııa ótkizdi. Mereıli dataǵa oraı 80 áskerı qyzmetshi erekshe qoıylym uıymdastyryp, óner men áskerı rásimderdi biriktirdi. Aksııanyń basty bóligi retinde Qurmet qaraýyl rotasynyń jaýyngerleri batyrlyq pen erliktiń sımvoly - juldyzdy beınelep, ony «80» sanymen almastyryp, áskerı marsh yrǵaǵymen saptyq óner kórsetti, dep habarlaıdy Egemen.kz.

Qyrmyzy JUMAǴALIQYZY

Ulandyqtar Jeńistiń 80 jyldyǵyna oraı patrıottyq aksııa ótkizdi

Foto: QR IIM Ulttyq ulany

Ulttyq ulannyń orkestri men Erler hory jandy daýysta «Jeńis kúni» ánin oryndap, Astana brıgadasynyń saptyq alańyn asqaq rýh pen otansúıgishtikke toltyrǵan.

Áskerı qyzmetshileri bul sharany batyr babalarymyzǵa jáne ardagerlerge qurmet kórsetý maqsatynda uıymdastyrǵan.

«Biz batyr babalarymyz ben ardager atalarymyzǵa beıbit kún úshin qurmet kórsetemiz. Olardyń erligi júregimizde máńgi saqtalady. Ulttyq ulan áskerı qyzmetshileri úshin elge qyzmet etý — jáı ǵana mindet emes, Otan qorǵaýshylardyń uly dástúrin jalǵastyrý», deıdi sharaǵa qatysýshylar.

Bul patrıottyq aksııa Uly Jeńis pen urpaqtar birligin, qundylyqtar sabaqtastyǵyn dáripteýdiń jarqyn úlgisine aınaldy. QR IIM Ulttyq ulany batyrlar týraly estelikterdi saqtap, olardyń erlik jolyn jastarǵa nasıhattaýdy jalǵastyrýdy josparlap otyr.