Oqý-aǵartý mınıstrliginiń málimetinshe, bıylǵy oqý jylyn elimiz boıynsha 3,9 mıllıonnan astam oqýshy aıaqtaıdy.
Olardyń ishinde 217 myńnan astamy — 11-synyp túlekteri. Olar úshin bul jyl — mekteppen qoshtasatyn erekshe ári este qalarlyq kezeń.
«О́tken jyldaǵydaı oqýdyń sońǵy kúni – 23 mamyrda elimizdiń barlyq mektepterinde «Bilimim – Otanyma» uranymen biryńǵaı synyp saǵaty ótedi. Búkil bilim berý júıesi úshin mańyzdy shara oqýshylar men ustazdarǵa birlesken jumystyń qorytyndysyn shyǵarýǵa, bir-birine rızashylyqtaryn bildirýge, ótip jatqan oqý jylynyń mańyzdy oqıǵalaryn eske alýǵa múmkindik beredi.
Bıyl oqý jylynyń resmı aıaqtalý kúni jeksenbige sáıkes keletindikten, mektep ákimshiliginiń sheshimimen 11-synyp túlekterine arnalǵan saltanatty is-sharalar 23 nemese 24 mamyrda ótedi», dep habarlady vedomstvo.
Sondaı-aq, Oqý-aǵartý mınıstrligi barlyq mektep oqýshylarynyń qaýipsizdigi men teń jaǵdaıyn qamtamasyz etý maqsatynda sán-saltanatpen is-sharalar uıymdastyrýǵa, aqsha jınaýǵa, kólik júrgizýge, mektep formatynan tys merekelik sharalardy ótkizýge keńes berilmeıtinin eske saldy.
