Osylaısha bes birdeı sportshy baspanaly bolyp, Olımpıadanyń kúmis júldegeri Narıman Qurbanov eki bólmeli, qola júldegerler – Nazym Qyzaıbaı men Islam Sátbaev bir bólmeli páter ıegerleri atandy.
Al qola medal ıegerleri – dzıýdoshy Gýsman Qyrǵyzbaev pen pnevmatıkalyq myltyqtyń mergeni Aleksandra Le jattyǵý jıyndary men halyqaralyq jarystardan oralǵan soń páterlerin kiltterin alady.
«Sizderdiń jeńisterińiz – kóp jylǵy qajyrly eńbektiń nátıjesi ári sportshylardyń jańa býyny úshin laıyqty úlgi. Almaty Sizderdiń jetistikterińizdi joǵary baǵalaıdy jáne Sizderdi jańa jetistikterge jetý jolynda únemi qoldaıtyn bolady», dedi Beıbit Shahanov.
О́z kezeginde sportshylarymyz da qýanyshtaryn jasyrmaı, alǵystaryn bildirdi.
Oraıy kelip turǵanda, 2024 jyldyń 11 tamyzynda Parıjde XXXIII jazǵy Olımpıada oıyndary ótip, almatylyq sportshylar jeńisti oryndardan tabylyp, halyqaralyq arenada elimizdiń bedelin kótergenin eske sala ketken jón.
Osyǵan oraı 20 tamyzda Almaty qalasynyń ákimdiginde Olımpıada júldegerlerimen saltanatty kezdesý ótken edi. Kezdesý barysynda sportshylarǵa aqshalaı sertıfıkattar, avtokólik kiltteri, sondaı-aq turǵyn úı alýǵa sertıfıkattar tabystalǵan bolatyn.
Sportshylarǵa buıyrǵan páterlerge keletin bolsaq, júldegerlerge berilgen sertıfıkat júldeli sportshylardy páterlermen qamtamasyz etýdiń bastapqy sharty bolatyn. Sertıfıkattar tabystalǵannan keıin turǵyn úı satyp alý rásimi iske qosyldy. Bul prosess jeke bıýdjetti qalyptastyryp, konkýrs jarııalaýdan bastap sharttar jasasýǵa deıingi barlyq qajetti memlekettik satyp alý rásimderin ótkizýdi qamtıdy. Bul prosedýralar zańnamamen qatań retteledi jáne belgili bir ýaqytty qajet etedi.
Sonymen 2025 jyldyń 9 qańtarynda barlyq zańdy jáne satyp alý prosedýralary aıaqtaldy. Sportshylardyń jaıly ómir súrý jaǵdaılaryn qamtamasyz etý úshin páterlerde árleý jumystary júrgizildi.
Sport basqarmasynyń qyzmetkerleri osy ýaqyt ishinde ár júldegermen baılanysta boldy jáne kiltterdi tapsyrý kúni árqaısysymen kelisildi.
