Dırıjerlerdiń dástúrli basqosýy

Forýmǵa qatysýshylardy ob­lys­tyq mádenıet basqar­ma­synyń basshysy Quralbek Ata­mu­ra­tov quttyqtap, Tobyl óńirinde osy­men segizinshi ret ótip jatqan dás­t­úrli mýzyka merekesi halyqtar ara­­syndaǵy dostyq pen mádenı baı­­lanysty bekemdeı túsetinin aıtty.

«Bıyl forým halqymyzdyń bir­týar kompozıtory, ult maq­ta­nyshy Nurǵısa Tilendıevtiń 100 jyldyǵyna, sondaı-aq Qazaq­stan­nyń eńbek sińirgen qaıratkeri, el táýelsizdiginiń bastapqy kezeń­de­rinde Qos­tanaıda tuńǵysh ret qazaq orkestrin qurǵan, óńir máde­nıetiniń damýyna ólsheýsiz eńbek sińirgen marqum Nazymbek Mol­dah­metovtiń 55 jyldyǵyna arnalyp otyr. Mundaı is-sharalar jergilikti orkestrler men jas dı­rı­jerlerdiń halyqaralyq deń­­geıde óner kórsetýine de múm­kin-dik beredi», dedi Q.Atamu­ratov.

Orkestrler sherýi aıasynda О́z­bekstannyń halyq ártisi Farýh Sadyqov, opera ánshisi Rýstam Alı­­­mar­danov, Qazaqstannyń eńbek sińirgen ártisi Jalǵasbek Be­gen­dik, Vladımır Kochnev syndy dırı­­jerler sahnaǵa shyǵyp óner kór­setti. Farýh Sadyqovtyń aıtýynsha, mun­daı forýmdar halyq­­aralyq úlken sahnalardan kórinip júrgen belgili dırıjer­ler men oblys deń­geıin­degi orkestr­­ler­di bas­qaratyn jer­gilikti dı­rı­jer­ler­diń basyn qo­syp, ózara táj­i­rıbe al­ma­sýǵa, she­­ber­­­lik shyńdaýǵa múm­kin­dik beredi.

«Men osy joba bastalǵaly baýyr­las qazaq halqynyń ult­tyq mýzy­kasyna degen sheksiz qur­met-yqy­lasymdy arqalap Qostanaıǵa jyl saıyn kelip tu­ramyn. О́te joǵa­ry deńgeıde ótip jatqan búgingi is-shara álemge áıgili týyndylardy, qazaq­tyń klassıkalyq mýzykasyn nasıhattap, dáripteýmen qatar, or­kestrlerdiń repertýaryn baıy­tady. Túptep kelgende, el men eldi baýyrlastyryp, yntymaq-bir­ligi­miz­di nyǵaıtady», deıdi О́zbek­stan­nyń halyq ártisi.

QOSTANAI