Sýret: invest.gov.kz
Bıylǵy forým 4 negizgi baǵyt aıasynda jumys isteıdi: syrtqy saıasat jáne halyqaralyq qaýipsizdik, halyqaralyq damý jáne turaqtylyq, energetıka jáne klımattyń ózgerýi, ekonomıka jáne qarjy. Atalǵan baǵyttar sheńberinde jetekshi álemdik saıasatkerler, bıznes kóshbasshylary jáne qoǵam qaıratkerleri pikirtalasqa qatysyp, kózqarasyn jetkizedi.
Sonymen qatar kóppolıarly álemdegi orta derjavalardyń saıasaty, Ortalyq Azııadaǵy sý qaýipsizdigi, jasandy ıntellekt dáýirindegi ıntellektýaldyq qazyna taqyryptary da talqyǵa ózek bolmaq. Árıne, bul oraıda energetıkalyq qaýipsizdik, klımat ózgerisimen kúres, geosaıası yntymaqtastyq, halyqaralyq saýda, tehnologııalyq ınnovasııa, ornyqty damý taqyryptary da nazardan tys qalmaıdy.
«Álem buryn-sońdy bolmaǵan jahandyq kúrdelilik dáýirine qadam basty. Osyndaı kezeńde AIF 2025 alańy – pikir men naqty árekettiń túıisken jeri. Bul – polıarızasııany eńserip, birlesken damýdyń ortaq jolyn aıqyndaıtyn platforma. Biz saıasat, bıznes jáne ǵylym salalaryndaǵy eń ozyq oıly ári jańashyl kóshbasshylardyń basyn qosamyz.
AIF 2025-tiń basty mindeti – kópjaqty yntymaqtastyqty qaıta jańǵyrtý, túbegeıli dıalog ornatý jáne eń ózekti jahandyq máselelerdi sheshýge baǵyttalǵan naqty qadamdardy usyný», delingen uıymdastyrýshylar málimdemesinde.
