Jıynda Premer-mınıstrdiń keńesshisi Bıbigúl Asylova konferensııa qatysýshylaryna Úkimet basshysynyń orynbasary Ermek Kósherbaevtyń quttyqtaýyn oqyp berdi.
Atalǵan quttyqtaýda, kásipodaq qyzmeti qoǵamymyzdaǵy áleýmettik turaqtylyq pen kelisimdi nyǵaıtýǵa zor úles qosyp kele jatqany, bilim-ǵylym salasy – ulttyń bolashaǵy, al sol salanyń mamandary – eldiń eń basty kapıtaly ekeni aıtylǵan.
Salalyq kásipodaq tóraǵasy Aıgúl Muqashevanyń aıtýynsha, 2024 jyly kásipodaqtyń quqyqtyq qyzmeti 34 201 ótinishti qarap, naqty sheshimder qabyldaǵan. Jeke eńbek daýlary boıynsha 715 is kelisý komıssııasynda, 52 is sotta qaralyp, zańsyz jumystan bosatylǵan 24 qyzmetker qaıta jumysqa ornalastyrylǵan. Sonymen qatar, qoǵamdyq baqylaý aıasynda 2 653 tekserý júrgizilip, 4 828 eńbek zańnamasyn buzý faktisi anyqtalǵan.
Qazaqstannyń oqý-aǵartý, ǵylym jáne joǵary bilim qyzmetkerleri salalyq kásipodaǵynyń 100 jyldyǵyna arnalǵan konferensııa barysynda qazirgi zamanǵy syn-qaterler jaǵdaıynda kásipodaq jumysyn jetildirý, eńbekkerlerdiń quqyqtary men múddelerin qorǵaýdyń zamanaýı tetikterin engizý, sıfrlyq dáýirdegi kásipodaqtyń róli men jańa yntymaqtastyq formalaryn damytý máseleleri talqylanyp, bilim jáne ǵylym júıesinde kásipodaqtyń rólin nyǵaıtý, áleýmettik-eńbek qatynastaryndaǵy memlekettik saıasatty iske asyrýǵa belsendi qatysýdyń jáne qyzmetkerlerdiń quqyqtaryn qorǵaý tıimdiligin arttyrý mańyzdylyǵy atap ótildi.
