Jıyn barysynda sheteldik jáne otandyq tanymal ǵalymdar Máshhúr Júsiptiń murasyn san qyrynan saralap, tereń taldaýlar jasady. Onlaın qatysqan mamandardyń ishinde – Almaty qalasynan akademık, tarıh ǵylymdarynyń doktory, professor Hankeldi Ábjanov «Ál-Farabı jáne mýzyka» taqyrybynda tanymdyq dáris oqydy.
Basqosýda sóz sóılegen Turk-san.com mádenıet jáne óner baspasynyń dırektory, fılologııa ǵylymdarynyń doktory, professor Ellada Ǵaraı Zade Máshhúr Júsiptiń shyǵarmashylyǵyn joǵary baǵalap, túrki halyqtarynyń rýhanı tutastyǵyn arttyrýdaǵy mańyzyn atap ótti.
Al Ýkraınadan qosylǵan fılosofııa ǵylymdarynyń kandıdaty Irına Zelınskaıa ýkraın oıshyly Grıgorıı Skovorodamen Máshhúr Júsip ıdeıalaryn salystyra otyryp, olardyń fılosofııalyq tujyrymdarynyń adamzat qundylyqtaryn baǵalaýdaǵy ortaq jelisin kórsetti.
Is-shara aıasynda Ǵylym jáne joǵary bilim mınıstrligine qarasty Fılosofııa, saıasattaný jáne dintaný ınstıtýty birneshe kitaptardy tartý etti. Bul eńbekterdiń mazmuny týraly fılosofııa ǵylymdarynyń doktory, professor Baqytjan Satershınov tanystyryp ótti.
Jıyn sońynda Júsipbek Aımaýytov atyndaǵy Etnopedagogıka jáne bilim berýdiń ınnovasııalyq tehnologııalary ǵylymı ortalyǵynyń bas ǵylymı qyzmetkeri, pedagogıka ǵylymdarynyń doktory, professor Eńlik Jumataeva qorytyndy sóz sóılep, kitaptardy Máshhúr Júsip mýzeıiniń meńgerýshisi Áset Pazylovqa, «Máshhúrtaný» ortalyǵyna jáne «Beisembayev Library» ǵylymı kitaphanasyna tabys etti. Sonymen qatar, ortalyqtyń ǵylymı qyzmetkeri Náılá Anafına Máshhúr Júsiptiń fılosofııalyq, qoǵamdyq kózqarastarynyń búgingi kúnge saı ózektiligin atap ótti. Bul jıyn – Máshhúr Júsip murasyn halyqaralyq deńgeıde nasıhattaýǵa, jas býynnyń tanym kókjıegin keńeıtýge baǵyttalǵan mańyzdy qadamdardyń biri boldy.
