Joba boıynsha kelisimshart bıyl 20 mamyrǵa deıin jasalyp, keler jyldyń tamyzyna deıin iske qosylady. Sondaı-aq jyl sońyna deıin qalalyq qoǵamdyq kólikti 100 paıyz ekologııalyq baǵytta damytý kózdelip otyr. Bıyl 29 sáýirde 600 gazben júretin jáne 200 elektr avtobýsty satyp alýǵa baıqaý jarııalandy. Jeke tasymaldaýshylar óz tarapynan 800 gazben júretin jáne 118 elektr avtobýsty satyp alýdy josparlap otyr.
Elektr kóligi ınfraqurylymyn damytý maqsatynda bıyl aqpannan bastap 6 ınvestorǵa 233 elektr zarıadtaý stansııasyn ornatýǵa tehnıkalyq sharttar berildi. Sonymen qatar, «jasyl» oblıgasııalar esebinen 100 elektrobýs satyp alyp, 10 trolleıbýs qosalqy stansııasyn jańǵyrtýǵa qujattar daıyndaldy.
Almaty ákimdigi alǵash ret «jasyl» oblıgasııalardy elektrobýs satyp alýǵa ǵana emes, sondaı-aq, Jeltoqsan kóshesindegi BRT jelisiniń qurylysyn jalǵastyrýǵa baǵyttamaq.
