Foto: depositphotos.com
Buǵan deıin qalpyna kelý rásimi kúrdeli bolatyn. Úmitkerlerden oqý ornyna baryp, jeke kýálik, transkrıpt, qyzmet ornynan minezdeme, fotosýret, áskerı bılet kóshirmesi jáne basqa da qujattardy jınaý talap etiletin.
Endi prosess jeńildetilip, onlaın túrde ótinish berip, qajetti qujattardyń kópshiligi memlekettik derekter bazasynan avtomatty túrde júkteledi. Oqý ornynan shyǵarylǵannan keıin bir jyl ishinde ǵana ótinish berýge bolatynyn aıta ketý kerek. Eger bul merzim aıaqtalsa, oqý ornynda qalpyna keltirý múmkin bolmaıdy.
Kórsetiletin qyzmetti alý úshin:
- eGov.kz portalynda tirkelip, «Azamattarǵa» - «Áskerı esepke alý jáne qaýipsizdik» - «Áskerı qyzmet» bólimine ótý kerek;
- «Qazaqstan Respýblıkasy Qorǵanys mınıstrliginiń áskerı oqý oryndaryna qalpyna keltirý» kórsetiletin qyzmetin tańdap, «Qyzmetke onlaın tapsyrys berý» túımesin basýy tıis;
- Oqý ornyn tańdap, oqýdan shyǵarylǵannan beri qansha ýaqyt ótkenin kórsetip, jeke derekterin paıdalanýǵa kelisim berýi tıis;
- Turatyn mekenjaıyn kórsetip, qujattardy qosýy tıis;
- Qoljetimdi qol qoıý ádisteriniń birimen ótinishke qol qoıýǵa tıis;
- Qyzmettiń nátıjesi paıdalanýshynyń jeke kabınetinde «Qyzmetterdi alý tarıhy» bóliminde qoljetimdi bolady.
О́tinimdi qaraý merzimi 20 jumys kúndi quraıdy. Eger oń sheshim qabyldansa, nátıje paıdalanýshynyń jeke kabınetine elektrondyq formatta jiberiledi. Eger qalpyna keltirý múmkin bolmasa, stýdent te dáleldi bas tartý hatyn alady.
Aıta keteıik, jańa kórsetiletin qyzmet QR Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıtetiniń, Ulttyq aqparattyq tehnologııalar AQ jáne QR Qorǵanys mınıstrliginiń yntymaqtastyǵymen iske qosyldy.
