Ashyq aspan astyndaǵy mýzeı

Ashyq aspan as­tyndaǵy mura­jaıǵa Ekinshi dúnıe­­júzilik soǵysta paıda­lanylǵan otyz shaqty áske­rı tehnıkanyń, atap aıtqanda, «T-34», «T-62» tankteriniń, qu­ryshtan quıylǵan bir­neshe tehnıkanyń, áıgili «Katıýsha» artıllerııalyq qarýynyń, túrli zeńbi­rek­tiń maketteri qoıyl­ǵan.

«Ata-anamyz osy saıa­baqqa jaqyn jerde turady. Keshkilik jatar aldynda bala-shaǵamyzben birge osynda kelip, biraz serýen­dep qaıtamyz. Mundaǵy ás­­kerı tehnıkalardy ja­qyn­nan kórýdiń ózi qor­qynyshty. Besiktegi balany jetim, jas kelinshekti jesir etken surapyl soǵystyń qa­sireti áli umytylǵan joq. Beıbit zamannan artyq esh­teńe joq. Mundaı soǵys tehnıkalary osylaı mýzeıde tura bersin, jer betinde tek tynyshtyq saltanat qursyn», deıdi osydan eki apta buryn Kókshetaý qalasynan qonaqqa kelgen Narǵyz Júnisova.

1942 jyldyń kókteminde dál osy alańnan Qostanaı oblysynda jasaqtalǵan 151-arnaıy atqyshtar brıgadasy maıdanǵa attanǵan bo­latyn. Keıin qatary sel­diregen brıgada 150-at­qyshtar dıvızııasynyń qu­ra­myna enedi. 1945 jyly Reıhstagqa jeńis týyn tikken qaharmandar qata­rynda osy 151-at­qysh­tar brıgadasynyń jaýyn­ger­leri de bolǵan. Reıhstag tó­besinde jeńis týyn jel­biretken jaýyngerlerdi qostanaılyq Ilıa Sıanov basqarǵan avtomatshylar rotasy oqpen qalqalap tur­ǵan edi. Jaýyngerlik tehnıka mýzeıiniń kireberisinde osy brıgadanyń qurmetine qoıylǵan bıik eskertkish tur.

Qostanaı oblysy