Memlekettik tapsyrystardy ornalastyrý kezinde qazaqstandyq kompanııalarǵa basymdyq berilýi ishki óndiris kólemin arttyrýǵa, ımportqa táýeldilikti azaıtýǵa jáne óndiristik qýattardy jańǵyrtýǵa múmkindik berdi.
О́nerkásip salasynda iske asyrylǵan zańnamalyq bastamalardan basqa, hımııa salasyna oń áser etken birqatar naqty normalar qabyldanǵan.
Memlekettik satyp alý kezinde ulttyq rejımnen alý nátıjesinde ótken jyly lak boıaý materıaldary, turmystyq hımııa jáne jaǵar maılar óndirisiniń kólemi 30%-ǵa ósti.
Sonymen birge sýbsıdııalanǵan tyńaıtqyshtardy elden zańsyz shyǵarylýyn toqtatý úshin ammofos, selıtra sııaqty mańyzdy tyńaıtqyshtardyń (QazAzot, Qazfosfat) eksporty lısenzııa berý arqyly retteldi. Bul shara baǵany turaqtandyrýǵa jáne jergilikti fermerlerge tyńaıtqysh jetkizýdi arttyrýǵa yqpal etti.
Alǵashqy toqsan qorytyndysy boıynsha ónim kólemi 12,5% paıyzǵa ósip, 406 mıllıard teńgeni qurady. О́sim polıpropılen jáne ýran qosylystary óndirisiniń ulǵaıýymen baılanysty.
Búginde hımııa salasynda 49 joba iske asyrylýda. Olardyń negizgileri munaı jáne metallýrgııa salasyna qajet hımııalyq ónimderdi shyǵarýǵa baǵyttalǵan.
