Jańa júıeniń pılottyq iske qosylýy 2025 jylǵa josparlanǵan. Ol bes iri kásiporynda synaqtan ótedi. Al 2028 jylǵa qaraı bul sıfrlyq platforma qaýip-qateri joǵary barlyq óndirister úshin mindetti bolady.
Aımaqta qazirdiń ózinde 3786 kásiporyndy qamtıtyn «Eńbek táýekelderiniń kartasy» aqparattyq júıesi jumys istep tur. 2025 jylǵy 25 sáýirdegi derekterge sáıkes:
– 31 kásiporyn áleýmettik turaqsyzdyq qaýpi joǵary sanatqa jatqyzylǵan;
– 49 kásiporyn — ortasha táýekel deńgeıinde;
– 3705 kásiporyn — eń tómengi táýekel deńgeıinde.
Karta iske qosylǵannan keıin, eńbek ınspektorlary 170 kásiporyndy joǵary táýekel aımaǵynan shyǵaryp, 3800-den astam jumysshynyń quqyǵyn qorǵaýǵa qol jetkizdi. Osy ýaqyt aralyǵynda 42,1 mln teńge kólemindegi jalaqy qaryzy ótelip, eńbek zańnamasynyń 72 buzýshylyǵy anyqtaldy. 25 jumys berýshi ákimshilik jaýapkershilikke tartylyp, 8,1 mln teńge aıyppul salyndy.
Eńbek qaýipsizdigi salasyndaǵy sıfrlandyrýdy damytý Dúnıejúzilik eńbek qaýipsizdigi kúnine oraılastyrylǵan.
Shyǵys Qazaqstan oblysy
