Oqıǵa jelisin tutastandyryp, durys ıntonasııa qalyptastyryp, kórermenniń qyzyǵýshylyǵyn sońyna deıin saqtaýǵabaǵyttalǵan jumystar júrgizilýde.
Serıaldyń kórkem jáne mazmundyq yrǵaǵyn sheber úılestiretin túsirilimder Jetisý oblysynyń sulý tabıǵaty aıasynda jalǵasýda. Mundatúsirilim toby keıipkerlerdiń bir-birimen qarym-qatynasy, ishkiqaıshylyqtary men ómirlik ustanymdaryn beıneleıtin sátterditúsirýmen aınalysýda.
Túsirilim kúnderiniń biri — Deshti-Qypshaq dalasyna arnalady, munda rý múddeleri, bılik úshin kúres jáne jeke tańdaýlar syndy taqyryptar ózara toǵysady. Sol epızodtardyń ishindegi eń mańyzdysy — basty keıipkerdiń ishki sheshimge kelip, ózi senetin tártip pen qundylyqtarjolyn anyqtaıtyn sáttiń túsirilimi.
«Kórermendi ózi ómir súrmegen dáýirdiń salt-dástúrine tereń boılatý — shyǵarmashylyq úshin úlken synaq. Bul kórinister ekshnge emes, tańdaý sátine negizdelgen. Ol keıde sóz arqyly kórinis tapsa, keıde kadr syrtynda qalady», — dedi rejısser Emre Sahın.
9 mamyr kúni Jetisý oblysyndaǵy túsirilim alańyna Qazaqstan Respýblıkasynyń Memlekettik keńesshisi Erlan Qarın keldi. Sapar barysynda ol shyǵarmashylyq toppen fınaldyq kezeńniń erekshelikterin, sońǵy kórinisterdiń mazmundyq tustaryn jáne postprodakshn kezeńine qatysty máselelerdi talqylady. Rejısser EmreSahın atalǵan kúni túsirilgen epızodtardan asa dáldik, ustamdylyq jáne ishki dramalyq shıelenisti jetkizýde joǵary kásibı sheberlik talap etiletinin atap ótti. Onyń aıtýynsha, bul turǵyda qazaqstandyq akterler sol dáýirdiń rýhy men dramalyq qurylymyn tereń túsinip, senimdi túrde beıneleı biletinimen erekshelenedi.
The Golden Empire telehıkaıasynyń óndirisi barysynda túsirilimtoby Qazaqstannyń segiz erekshe lokasııasynda jumys istep, jobaǵa shynaıylyq pen kórkemdik tereńdik qosty. Atap aıtqanda, túsirilimder«Qazaqfılm» kınostýdııasy, Sýyqtóbe, Eskeldi bı aýyly, Butaq jáne Kimasar shatqaldary, qasıetti Tamǵaly tas pen erekshe atmosferaǵa ıe Kóshpendiler qalashyǵy sııaqty oryndarda ótkizildi.
Joba Netflix úshin túsirilgen kórkem jáne derekti serıaldarymen tanymal halyqaralyq Karga Seven Pictures kınokompanııasymen júzege asyrylýda. Túsirilimder «Dara» Prezıdenttik bastamalar qorynyńqoldaýymen júrgizilýde.
