Foto: Depositphotos.com
«Qazir mektepterde, kolledjder men oqý oryndarynda ártúrli kezdesý men ashyq esik kúnderi ótip, dárigerler qarap, leksııalar ótip, jasóspirimdermen, olardyń ata-anasymen, muǵalimdermen sóılesip jatyrmyz. Bul qulaqtandyrý jumysy ǵana emes, densaýlyqqa jaýapty qaraýǵa shaqyryp, osyǵan qoǵamnyń nazaryn aýdarmaqpyz», deıdi Aıgúl Shalbaeva.
Ekspertter mundaı is-sharany ótkizýdiń paıdasy kóp ekenine toqtaldy. Zertteýlerge júginsek, AITV týraly jasóspirimderdiń 9 paıyzy ǵana tolyq bilse, árkimniń aıtqanyna senip, adasyp júrgen 60 paıyzy odan qalaı saqtanyp, júktilikten qalaı qorǵaný kerektigin múldem bilmeıdi.
«Biz osyny ashyq aıtyp, qoǵamnyń kózin ashqymyz keledi. Bul jumysqa mamandardy, dárigerlerdi, júrgizýshilerdi, eriktilerdi, BAQ ókilderi men ata-analardy da tartyp jatyrmyz. Chat-bottar, sıfrlyq resýrstar arqyly, halyqpen betpe-bet kezdesip, BAQ arqyly da osyny jan-jaqty túsindirýdi qolǵa aldyq», dedi depýtat.
Jastar densaýlyǵy ortalyqtarynda ashyq is-sharalar, leksııalar ótip, jasóspirimdermen áńgimelesip, olarǵa osy júktilik jasy, psıhıkalyq kóńil-kúıi týraly jan-jaqty aqparat beriledi.
Búginde qalada terapevt, gınekolog, ýrolog, dermatolog, áleýmettik qyzmetker, zańger sııaqty 128 mamany bar osyndaı 14 ortalyq jumys istep jatyr.
«Ortalyqtar «4-D» negizdemesimen jumys isteıdi. Iаǵnı, barynsha ashyq bolyp, bir-birine degen senim qalyptasady. Bul – MÁMS aıasynda tegin qyzmet kórsetý, syr aqtaryp, jastardy mazalaǵan másele týraly oı bólisip, suqbattasý degen sóz», deıdi, Almatynyń Qoǵamdyq densaýlyq basqarmasynyń JDO-ny damytý jónindegi úılestirýshisi Dına Qusaıynova.
Jastar densaýlyǵy ortalyǵynda mynadaı qyzmet kórsetiledi:
- Kontrasepsııa, otbasyn josparlaý, AITV, JJJI týraly keńes beredi;
- Juqpaly aýrýdy anyqtap, ony emdeýdi;
- Zorlyqqa ushyraǵandarǵa qoldaý kórsetýdi;
- Adamnyń kóńi-kúıine qaraı keńes berip, áleýmettik beıimdeýdi;
- Zańgerdiń kómegi;
- Aýrýdyń aldyn alý, leksııalar men trenıngter ótkizý, onyń ishinde SО́S baılanysty máseleler de bar.
Jastar densaýlyǵy ortalyǵynda art-terapııanyń, ózine qol jumsaýǵa beıim turatyn adamdarǵa qol ushyn beretinderdiń, júktilerge trenıng jasaıtyndar men kópshilikke keńes beretin psıhologtardyń orny erekshe.
«Ortalyqta budan bólek 4-shi býyndaǵy jańa test-jolaqpen AITV-ǵa da test tapsyrady. Testileý úsh kezeńnen turady. Olar – basynda, is-sharadan keıin, sosyn SPID ortalyǵyna jibergende», deıdi Dına Qusaıynova.
Jastar jaǵy naqty bir emhanaǵa bekitilmeı-aq, ortalyqqa kelip qarala berse bolady. Bárin qupııa ustaǵysy kelgenderdiń jeke basy týraly málimetter esh jerde jarııalanbaıdy.
