Prezıdent • 12 Mamyr, 2025

Prezıdent pen Abý Dabıdiń Taq murageri elordadaǵy №84 mektep-lıseıdi aralady

40 ret

kórsetildi

1 mın

oqý úshin

Memleket basshysy Qasym-Jomart Toqaev pen Abý Dabıdiń Taq murageri sheıh Haled ben Muhammed ben Zaıd Ál Nahaıan elordadaǵy sheıh Halıf ben Zaıd Ál Nahaıan atyndaǵy №84 mektep-lıseıdi aralap kórdi, dep habarlaıdy Egemen.kz Aqordanyń baspasóz qyzmetine silteme jasap.

Shyńǵys MUQAEV

Prezıdent pen Abý Dabıdiń Taq murageri elordadaǵy №84 mektep-lıseıdi aralady

Fotolar: Aqorda

Mártebeli meımandarǵa qazirgi kezde oqý oshaǵynda 2800 bala bilim alyp, 159 pedagog eńbek etetini jóninde aqparat berildi. Bıylǵy oqý jylynda «Sıfrly mektep» jobasy daıyndalyp, jaratylystaný jáne matematıka pánderi 7 baǵytta, atap aıtqanda, IT STEM, FAB LAB, robotty tehnıka, qoldanbaly matematıka, bıoınjenerııa, matematıkalyq modeldeý, bıohımııa salalaryna bólip oqytyldy.

aqorda

Qasym-Jomart Toqaev pen sheıh Haled ben Muhammed ben Zaıd Ál Nahaıan arab tili kabınetin kórdi. Mektep oqýshylary arab tili men ádebıetin meńgerýde jetken jetistikterin tanytty.

Sondaı-aq oqýshylar Qazaqstan Prezıdenti men Abý Dabıdiń Taq muragerine mektep mýzeıin tanystyrdy. Onda eki eldiń yntymaqtastyǵy men dostyǵyna arnalǵan kórme uıymdastyrylǵan. Ekspozısııaǵa ejelgi dáýirden búginge deıingi arab álemi jóninde syr shertetin kitaptar, ulttyq kıim úlgileri men tarıhı jádigerler qoıylǵan.