Foto: Ashyq derekkóz
Kún tártibinde klımattyń ózgerýi, ekonomıkalyq turaqsyzdyq, geosaıası shıelenister, óńirlik ıntegrasııa, sıfrlyq tehnologııalar men jasandy ıntellekt taqyryptary bar. Forýmnyń basty maqsaty — jahandyq yntymaqtastyqty nyǵaıtyp, praktıkalyq sheshimder ázirleý.
Kópjaqty dıplomatııa men turaqty damý salasyndaǵy bedeldi kóshbasshy retinde BUU-nyń burynǵy Bas hatshysy, GGGI Prezıdenti jáne Tóraǵasy Pan Gı Mýn forýmǵa alǵash ret qatysady. Ol óńirlik yntymaqtastyq pen turaqty damý jónindegi sessııada sóz sóıleıdi.
«Men osy mamyrda Astanaǵa arnaıy kelip, forýmǵa qatysatynyma qýanyshtymyn. Bul — memleketter men uıymdar kóshbasshylarynyń tájirıbe almasyp, óńirlik ıntegrasııa men turaqty damýǵa qatysty naqty sheshimder qabyldaıtyn mańyzdy dıalog alańy. Barsha múddeli taraptardy Ortalyq Azııanyń zor áleýetin birigip ashýǵa shaqyramyn», dedi Pan Gı Mýn.
Ekonomıkalyq damý men áleýmettik turaqtylyq salasyndaǵy tájirıbeli sarapshy retinde Dúnıejúzilik banktiń Eýropa jáne Ortalyq Azııa boıynsha vıse-prezıdenti Antonella Bassanı forýmda álemdik ekonomıkadaǵy basty syn-qaterler týraly pikir bildiredi.
«Biz ekonomıkalyq turaqsyzdyq pen áleýmettik teńsizdikpen kúresý úshin naqty qadamdar qabyldaýǵa tıispiz. Forým osy máseleler boıynsha sheshim izdeýge úlken múmkindik beredi», dedi Antonella Bassanı.
Halyqaralyq qaýipsizdik pen geosaıası tepe-teńdik salasyndaǵy sarapshy retinde Mıýnhen qaýipsizdik konferensııasynyń tóraǵasy Hoısgen jańa álemdik tártipti qalyptastyrý máselesin kóteredi.
«Biz bılik balansynyń ózgerip jatqan kezeńin bastan keship otyrmyz. Forým jańa álemdik tártiptiń ortaq normalarǵa negizdelýin qamtamasyz etý joldaryn qarastyrýy tıis», dedi ol.
Medıa men jahandyq kommýnıkasııa salasynyń kásibı mamany retinde Bloomberg-tiń burynǵy jýrnalısi Kan forýmnyń ashyq dıalog ornatýdaǵy rólin atap ótti.
«Astana forýmy — qazirgi zamannyń kúrdeli máselelerin sheshýge baǵyttalǵan ashyq jáne ınklıýzıvti dıalog alańy. Munda ártúrli kózqarastar toǵysady», dedi Sharlotta Kan.
Álemdik saıasat pen ekonomıka jónindegi jetekshi sarapshylardyń biri retinde Financial Times halyqaralyq sholýshysy Tonı Barber forýmnyń ózara túsinistik ornatýdaǵy rólin joǵary baǵalady.
«Forým ózara túsinistik pen senimdi nyǵaıtýǵa, halyqaralyq qarym-qatynastardy jaqsartýǵa naqty serpin beredi», dedi ol.
Monten ınstıtýtynyń arnaıy geosaıası keńesshisi, Fransııanyń burynǵy elshisi, halyqaralyq qatynastar salasynda úlken tájirıbesi bar dıplomat Mıshel Dıýklo forýmdy álemdik tártipti qaıta qarastyrý alańy retinde sıpattady. Onyń pikirinshe, astanalyq forým halyqaralyq tártipti qaıta oılastyrý úshin biregeı múmkindik usynady.
Qazaqstan tarapynan bastamashylyq etilgen bul forým elimizdiń shekaraaralyq yntymaqtastyqty kúsheıtý, Balqan elderimen áriptestikti keńeıtý jáne jasandy ıntellektti adamzat ıgiligine baǵyttaý jolyndaǵy umtylysyn kórsetedi.
