foto: ashyq derekkóz
Jol-kólik oqıǵalarynyń sanyn azaıtý maqsatynda komıtettiń tapsyrmasy boıynsha oblystyq prokýratýra men basqa da ýákiletti organdardyń ókilderi kirgen vedomstvoaralyq jumys toby (VJT) quryldy. VJT zańnama talaptaryn kúsheıtý, JKO-ny esepke alý men tirkeýdi jetildirý, sondaı-aq aldyn alý jáne eskertý sharalaryn iske asyrý baǵytynda jumys júrgizýde. Bul – jol qozǵalysy qaýipsizdigin arttyrýǵa baǵyttalǵan keshendi tásil. О́ıtkeni, óńirdegi jaǵdaı aıtarlyqtaı alańdaýshylyq týdyrýda.
Bıylǵy jyldyń alǵashqy tórt aıynda Almaty oblysynda jol-kólik oqıǵalarynyń sany 55,5%-ǵa, zardap shekkender sany 92,3%-ǵa artty. Qaza tapqandar sany 28%-ǵa ósti, olardyń ishinde 5 kámeletke tolmaǵan bala bar.
Azamattardyń habardarlyǵyn arttyrý jáne jańa jol apattarynyń aldyn alý maqsatynda departament apattyq qaýipti jol ýchaskeleriniń ınteraktıvti kartasyn ázirledi. Oǵan mobıldi telefon arqyly QR-kodty skanerlep qol jetkizýge bolady.
Karta arqyly tirkelgen JKO sanyn kórýge, eń qaýipti jol ýchaskeleriniń qaı jerde ornalasqanyn bilýge bolady. (Kartany kórsetý josparlanýda).
JKO-nyń aldyn alý jumysy Almaty oblysynyń memlekettik organdarynyń turaqty baqylaýynda.
Almaty oblysy
