Birlestik aýylynyń týmasy Ǵalymjan Sálimgereev 19 jasynda maıdanǵa attanypty. 1942 jyly Voronej tóńiregindegi shaıqasta habarsyz ketken. Artynda qalǵan urpaqtary atalarynyń deregin uzaq ýaqyt boıy izdegen. Sol izdeýdiń nátıjesinde qundy aqparattardy tapqan. Bul qujattarda Ǵalymjan Asqaruly alǵashqy bette barlaýshy bolǵandyǵy aıtylady. 560-inshi saperlar batalonynda qyzmet etken.
Taıaýda Birlestik aýylyndaǵy maıdangerlerge arnalǵan eskertkish taqtaǵa jaýyngerdiń esimi jazyldy. Shoq juldyzdaı shaǵyn aýyldan maıdanǵa 64 bozdaq attanyp, 34-i oralmaǵan.
– Málimetter áleýmettik jeliden tabyldy, –deıdi jaýyngerdiń urpaǵy Esimjan Sálimgereev, – óz elimizde de málimetter bar eken. Endi mine, el qorǵaǵan esil erdiń esimi eskertkish taqtada tur.
Erlik eshqashan umytylmaıdy degen osy emes pe?
Aqmola oblysy,
Zerendi aýdany.
