Tórt jyl ishinde osy baǵdarlama arqasynda óńirde dárigerler kómegimen aman-esen dúnıege kelgen 412 sábı óz shańyraqtaryn qýanyshqa bólese, qazirgi ýaqytta 57 áıel kvota kómegimen em qabyldap, sábı kútip júr. Oblystyq densaýlyq saqtaý basqarmasynyń deregine qaraǵanda, 2021–2024 jyldar aralyǵynda Aqtóbe oblysynda bedeýlikpen betpe-bet kelgen 1 365 jup kvota alsa, bıylǵy jyldyń sońyna deıin 170 erli-zaıypty osyndaı múmkindikke qol jetkizbekshi.
Bala dúnıege kelgenshe qanshama sergeldeńdi bastan keshirgen erli-zaıyptylardyń tózimi men sabyryn taýysatyn jaýapty da saýapty istiń basy-qasynda júrgen dárigerlerdiń qyzmeti erekshe. Ata-ana bolýǵa asyqqan erli-zaıyptylardy psıhologııalyq jaǵynan daıyndaıtyn da osy salanyń mamandary. Bul sábıli bolýǵa asyqqan er men áıeldiń densaýlyǵyn qalypqa keltirýden bastap, sábıdiń qursaqtaǵy damýy men ómir esigin ashqanǵa deıingi kezeńderin qamtıtyn óte názik ári kúrdeli qubylys. Baǵdarlama perzent súıýdi uzaq ýaqyt armandaǵan qanshama otbasynyń shańyraǵyn bekitip qana qoımaı, eldegi demografııalyq ahýaldy jaqsartýǵa da septigin tıgizip otyr.
Aqtóbe oblysy
