Alaıda bul salanyń tanymaldyǵy artyp kele jatqanyna qaramastan, Almatyda gastronomııalyq baǵytta qyzmet kórsetetin gıdter joqtyń qasy. Almaty Tourism Bureau Almatyny óńirdiń gastronomııalyq astanasy retinde damytý úshin arnaıy gastronomııalyq gıd ázirledi.
Gıdke 140-tan astam erekshe taǵamdar men dastarhan usynatyn mekemeler engen. Munda qalada gastronomııalyq tájirıbe alýǵa arnalǵan baǵyttar, ıdeıalar men ssenarııler qamtylǵan. Bul ssenarııler kásibı gıdter men taǵam salasyndaǵy sarapshylardyń qoldaýymen jasalǵan, sondyqtan týrıster úshin umytylmas áser qaldyrýy sózsiz.
Gıd birneshe taqyryptyq baǵytty qamtıdy. «Klassıkalyq týr» Almatynyń tarıhyn taǵamdar arqyly tanystyrady. «Dástúrli gıd» qazaq ulttyq taǵamdaryna tereń úńilýge múmkindik beredi. «Mýltımádenı gıd» elimizdiń mádenı alýan túrli ekenin as máziri arqyly kórsetedi. «Taý men gastronomııa» baǵyty belsendi demalysta tatyp kórýge turarlyq dám toptasyn usynady. Sonymen qatar, «Instagrambl-marshrýt» kórkem lokasııalardy, al Art&Eat konseptýal ári ónerge baǵyttalǵan oryndardy tanystyrady.
Gıd, sondaı-aq, kóshe taǵamdary men barlarǵa arnalǵan baǵyttardy qamtıdy. Budan bólek, Almatyǵa ǵana tán erekshe taǵamdar men sapardan estelik retinde alyp ketýge bolatyn azyq-túlik kádesyı tizimi de engizilgen. Gastrogıd qazaq, orys jáne aǵylshyn tilderinde qoljetimdi.
