foto: gov.kz
Aýqymdy is-shara 18 mamyrǵa deıin jalǵasady. Kórmege 350-den astam otandyq óndirýshi qatysyp, óz ónimderin usynyp otyr.
Kelýshiler elimizde «Damý» qorynyń memlekettik baǵdarlamalary arqyly óndirilgen taýarlardyń keń assortımentimen tanysyp, olardy satyp ala alady. Ekspozısııada azyq-túlik, jeńil jáne hımııa ónerkásibi ónimderinen bastap, mashına jasaý, jabdyq, zergerlik buıymdar sııaqty túrli baǵyttar qamtylǵan.
Kórmege qatysýshy iri brendterdiń qatarynda — «Gormolzavod», «Aq Dam» ulttyq táttileri, Galamilk, Altay Outwear týrıstik kıimderi men jabdyqtary, zergerlik buıym óndirýshi «Balausa Jewelry», akkýmýlıator shyǵaratyn «Qaınar AKB» JShS, ırrıgasııalyq tehnıkamen tanymal «Su bereke», turmystyq hımııa óndirýshi «Avrora», sondaı-aq turmystyq tehnıka shyǵaratyn «Almaty Turmystyq Tehnika zavody» JShS bar.
Is-shara aıasynda kásipkerlikti damytýǵa arnalǵan birqatar paneldik sessııalar uıymdastyrylady. Olarǵa otandyq jáne sheteldik sarapshylar qatysyp, Qazaqstandaǵy bıznestiń negizgi úrdisteri men damý múmkindikterin talqylaıdy.
Sonymen qatar, kórme sheńberinde «Halyq Tańdaýy» atty dám tatý baıqaýy, sán kórsetilimderi, kásipkerlerge arnalǵan sheberlik sabaqtary, kún saıynǵy utys oıyndary men konserttik baǵdarlamalar ótedi.
Kórme aıasynda memleket tarapynan kásipkerlikti qoldaýdyń naqty nátıjeleri de kórsetilýde. Máselen, 2024 jyldyń ózinde ǵana «Damý» qory arqyly 29,5 myń joba 1,7 trln teńge somasynda nesıemen qamtyldy. Bul maqsatqa 590 mlrd teńge bólingen. Nátıjesinde 25,4 trln teńgege ónim óndirilip, 1,7 trln teńge salyq tólenip, 9,7 myń jańa jumys orny ashylǵan. Jalpy alǵanda, memlekettik qoldaýdyń arqasynda 225 myńnan astam kásipkerge kómek kórsetilgen. Nesıege ıe bolǵan jobalardyń jalpy quny – 14,1 trln teńge. Bul arqyly 220 myń jańa jumys orny qurylyp, 1,2 mıllıonnan astam jumys orny saqtalyp otyr. Sonymen qatar, 130 trln teńgeden astam somaǵa ónim óndirilip, 9 trln teńge kóleminde salyq tólengen.
«Ulttyq ónim» kórmesi jyl saıyn otandyq kásipkerlik pen ónimderdiń keńinen tanylýyna jol ashyp otyr. Is-sharaǵa qyzyǵýshylyq ta artyp keledi: 2022 jyly kórmeni 20 myń adam tamashalasa, 2023 jyly kelýshiler sany 22 myńǵa jetken. Satý kólemi de ósip, 2022 jylǵy 70 mln teńgeden 2023 jyly 74,1 mln teńgege deıin ulǵaıǵan.
