Qazaqstan men Grýzııanyń syrtqy ister mınıstrlikteri arasynda kezekti konsýldyq konsýltasııalar ótti. Bul jóninde QR SIM baspasóz qyzmeti habarlady.
Kezdesý barysynda taraptar ekijaqty yntymaqtastyqtyń túrli aspektilerin talqylady. Onyń ishinde Grýzııaǵa barǵan qazaqstandyq azamattardy memleketke kirgizbeý jaǵdaılarynyń jıilegeni de sóz boldy.
«Kezdesý barysynda qazaqstandyq tarap sońǵy ýaqytta elimizdiń azamattaryna Grýzııa shekarasynan kirýge ruqsat berilmeı, olardyń deportasııalanýy jıilegenine baılanysty alańdaýshylyq bildirdi. Alaıda, elimizden baratyn azamattardyń basym bóligi Grýzııaǵa týrıstik maqsatta baryp, qabyldaýshy eldiń zańyn adal saqtaıtyny aıtyldy», delingen SIM habarlamasynda.
О́z kezeginde, Grýzııa tarapy mamyr aıynyń basynan bastap kirýge tyıym salý jaǵdaılarynyń edáýir azaıǵanyn atap ótti. Konsýldyq ókilder bul oń úrdis jalǵasyn tabatynyna sendirip, qazaqstandyq azamattardyń Grýzııa aýmaǵyna kirýine barynsha qolaıly jaǵdaı jasalatynyn aıtyp ótti.
