Osy jyldyń naýryz aıymen salystyrǵanda bos jumys oryndarynyń sany 17,3 myń birlikke (+22%), ll túıindeme sany – 19,7 myńǵa (+21%) ósti.
Eńbekke suranys qurylymynda biliktilik deńgeıi ortasha mamandar úshin bos jumys oryndary basym – 46%. Joǵary bilikti kadrlarǵa suranys jalpy bos jumys oryndarynyń 31% quraıdy, al bos jumys oryndarynyń 23% biliktilik dárejesin talap etpeıdi. Osylaısha, tar beıindi mamandarǵa suranystyń joǵary deńgeıimen orta býyn mamandaryna degen qajettilik turaqty túrde saqtalady.
О́ńirlik bóliniste bos jumys oryndar sanynyń eń kóp ósýi Aqmola (+59%) jáne Túrkistan óńirlerinde (+55%), sondaı-aq Abaı oblysynda (+53%) tirkeldi. Kórsetkishterdiń shamaly tómendeýi Jetisý jáne Ulytaý oblystarynda (-10%) baıqalady.
Túıindeme sanynyń eń kóp ósimi Abaı óńirinde (+47% nemese 1,2 myń birlik), Batys Qazaqstan (+43% nemese 1,8 myń birlik), Atyraý (+29% nemese 1,7 myń) jáne Pavlodar (+29% nemese 0,8 myń) oblystarynda baıqaldy.
Genderlik qurylym boıynsha túıindemeniń 57%-y áıel úmitkerlerden, al 43%-y er adamdardan túsedi. Jas bólinisinde 18-35 jas aralyǵyndaǵy (45,6%) jumys izdeýshiler basym, odan keıin 36-45 jas (27,5%), 46-55 jas (16,1%) jáne 55 jáne odan joǵary (10,8%) toptar. Bul derekter jastardyń eńbek naryǵynda usynysty qalyptastyrýǵa belsendi qatysýyn kórsetedi.
Eń joǵary jalaqy kelesi pozısııalar boıynsha suralyp otyr: aýyldyq eldi mekenderdiń basqarý organdaryndaǵy bas maman – 1 mln 955 myń teńgeden bastap, óńdeý ónerkásibindegi komplaens jónindegi maman – 1 mln 100 myń teńge. Bul rette izdenýshilerdiń jekelegen bos jumys oryndary boıynsha málimdelgen kútýleri osy mánderden asyp tústi: basshy laýazymdarǵa úmitkerler men it-dızaın salasyndaǵy mamandar qajetti tabys deńgeıin shamamen 9 mln teńge, bas dırektordyń pozısııasyna – shamamen 8 mln teńge kórsetti.
2025 jylǵy sáýir iskerlik jáne ekonomıkalyq belsendiliktiń ósýimen, orta biliktilik deńgeıindegi bos jumys oryndaryna qyzyǵýshylyqtyń artýymen, sondaı-aq eńbek naryǵynda turaqty jas jáne genderlik qurylymnyń saqtalýymen baıqaldy. Jalaqy kútýleri men usynystarynyń ártúrliligi salalar men kásibı baǵyttardyń erekshelikterin kórsetýdi jalǵastyrýda.
