Platforma arqyly jergilikti atqarýshy organdardyń quzyretine kiretin kelesi memlekettik qyzmetter elektrondyq formatta usynylady:
- keń taralǵan paıdaly qazbalardy (KPQ) óndirýge lısenzııa berý,
- starateldik qyzmetke lısenzııa berý,
- KPQ boıynsha kómirtekti massa shyǵarý boıynsha ruqsat berý,
- jer qoınaýyn paıdalaný quqyǵyn kepilge berý sharttaryn tirkeý,
- jer qoınaýyn paıdalaný lısenzııalaryna qosymsha kelisimder jasaý,
- KPQ boıynsha geologııalyq jáne taý-ken alańyn berý jáne qaıta rásimdeý.
«Jer qoınaýyn paıdalanýdyń biryńǵaı platformasy — bul barlyq jer qoınaýyn paıdalanýshylar úshin, onyń ishinde jergilikti atqarýshy organdarmen ózara is - qımyl jasaý úshin ózara is-qımyldyń yńǵaılylyǵy men ashyqtyǵyn qamtamasyz etetin sıfrlyq qural», – atap ótti О́nerkásip jáne qurylys vıse-mınıstri Jánnat Dúbirova.
Jyl saıyn jer qoınaýyn paıdalanýshylar ótken jylǵa arnalǵan lısenzııalyq-kelisimsharttyq ýchaskeler (LKÝ) boıynsha esepti tapsyrýǵa mindetti. Osy jyly esep berý tek elektrondyq túrde JQPBP platformasy arqyly júzege asyryldy.
Mınıstrlik jergilikti atqarýshy organdar men jer qoınaýyn paıdalanýshylarǵa qoldaý kórsetý maqsatynda aqparattyq-kommýnıkasııalyq quraldardy paıdalana otyryp, oqytý is-sharalaryn ótkizdi. Bul kezdesýler aıasynda júıemen jumys isteý boıynsha ádistemelik kómek kórsetildi, sonyń ishinde kelisimsharttar men lısenzııalardy reestrge engizý jumystary júrgizildi.
Jer qoınaýyn paıdalanýshylardyń kelisimsharttary men lısenzııalary jergilikti atqarýshy organdardyń qyzmetkerleri tarapynan tolyq kólemde reestrge engizildi. El boıynsha jalpy 1164 kelisimshart pen 774 KPQ lısenzııasy tirkelip, 1539 LKÝ esebi tapsyryldy. Bul óz kezeginde sıfrlyq eseptilikke tolyq jáne ýaqytyly kóshýge múmkindik berdi.
О́ńirlerdiń basym bóliginde LKÝ boıynsha eseptilik 100% kólemde tapsyrylyp, bul memlekettik organdardyń sıfrlyq daıyndyq deńgeıiniń joǵarylyǵyn jáne vedomstvoaralyq tıimdi ózara is-qımyldy kórsetedi. Mınıstrlik JQPBP platformasynyń múmkindikterin jetildirý jáne paıdalanýshylarǵa ádistemelik qoldaý kórsetý jumystaryn odan ári jalǵastyratyn bolady.
