Nemis tiline tikeleı aýdarylyp, Steppe & World baspasynan shyqqan ósimdikter men gúlder týraly qos tildi kitap Goethe-Institut-tyń «Tirshilik búrshikteri» (Lebenssprossen) jobasynyń qoldaýyna ıe bolǵan.
Oraıy kelip turǵan belgili kásipker buǵan deıin de Almaty oblysy Kerbulaq aýdanynyń Basshı aýylynda elimizdegi alǵashqy taqyryptyq «Abaı baǵyn» otyrǵyzyp qana qoımaı, óz demeýshiligimen týǵan jerinde 2 gektar jerge qaraǵaıly baq, 7 gektarǵa kókterek ormany, Halyq ártisi Nurǵalı Núsipjanovtyń qurmetine 5 gektar alma baǵy, 10 gektarda «Batyr analar» saıabaǵyn otyrǵyzyp, jaıqaltqanyn eske sala ketýge bolady. Osy kisiniń arqasynda aýylynyń mektepteri de botanıkalyq baqqa aınaldy.
Týǵan ólkesiniń jas-kárisin qýantyp, jeldiń ótindegi aýylyna saıa bolǵan, keıingi ósip kele jatqan býyn úlgi tutarlyq tálimdi isti qarapaıym ǵana qazaqatyń qyzy, kásipker óz qajyr-qaıratymen, óz qarajatymen jobalaryn júzege asyryp kele jatqan «Gulstan-dala» qoǵamdyq qorynyń jetekshisi Gózel Quljabaeva qazirgi tańda kógaldandyrý, ekotýrızm jobalarymen aınalasyp júr.
Al Gıote ınstıtýtynyń ókilderi, kitap avtory men aýdarmashylar – Anıa Týkkerman, Raıhan Shalǵynbaeva qatysqan kitaptyń tusaýkeseri de erekshe áserli, qyzyqty ótti. Saltanatty oqıǵanyń sánin keltirgen balalar eki tilde kitaptan úzindiler oqyp, rýhanı estelik bolatyn syılyqtarǵa ıe boldy. Baǵdagúl Eralıeva bezendirgen erekshe kitaptan úlken de, kishi de tabıǵattaǵy ásem gúlder týraly qyzyqty ári mańyzdy málimet alyp, kórkem ıllıýstrasııalar arqyly tanym kókjıegin keńeıte alady.
